உயர் நீதிமன்றின் இரகசிய தீர்ப்பு ஜனாதிபதிக்கு.. வெளியான அறிவிப்பு

Supreme Court of Sri Lanka President of Sri lanka

By Sajithra Sep 04, 2026 09:13 AM GMT

Sajithra

Report

அரசாங்கம் நாடாளுமன்றத்தில் சமர்ப்பித்த ஊழல் தடுப்புத் திருத்த சட்டமூலத்தை எதிர்த்துத் தாக்கல் செய்யப்பட்ட மனுக்கள் மீதான விசாரணையை நிறைவு செய்த உயர் நீதிமன்றம், அதன் அரசியலமைப்புச் சாத்தியக்கூறு குறித்த தனது இரகசியக் கருத்தை சபாநாயகருக்கும் ஜனாதிபதிக்கும் அனுப்பி வைப்பதாக அறிவித்துள்ளது.

இந்த சட்டமூலத்தை எதிர்த்து 15 மனுக்கள் தாக்கல் செய்யப்பட்டிருந்தன.

நீதிபதிகள் ஷிரான் குணரத்ன, மஹிந்த சமரவர்தன மற்றும் சம்பத் விஜயரத்ன ஆகியோர் அடங்கிய உயர் நீதிமன்றத்தின் மூவர் கொண்ட நீதிபதிகள் அமர்வு முன்னிலையில் இவ்வழக்கு இரண்டு நாட்களாக விசாரிக்கப்பட்டது.

விடுக்கப்பட்ட அறிவுறுத்தல்..

இன்று (04) வாய்மொழி வாதங்களை நிறைவு செய்த உயர் நீதிமன்றம், சம்பந்தப்பட்ட தரப்பினர் ஏதேனும் எழுத்துப்பூர்வமான சமர்ப்பிப்புகளைச் செய்ய விரும்பினால், அவற்றை நண்பகல் 12.00 மணிக்குள் தாக்கல் செய்யுமாறு உத்தரவிட்டது.

உயர் நீதிமன்றின் இரகசிய தீர்ப்பு ஜனாதிபதிக்கு.. வெளியான அறிவிப்பு | Anti Corruption Bill Supreme Court To President

அதனைத் தொடர்ந்து, அம்மசோதாவின் அரசியலமைப்புச் சாத்தியக்கூறு குறித்த உயர் நீதிமன்றத்தின் இரகசியக் கருத்து எதிர்காலத்தில் நாடாளுமன்ற சபாநாயகருக்கு அனுப்பி வைக்கப்படும் என்று நீதிபதிகள் அமர்வு அறிவித்தது.

முன்னாள் அமைச்சர் பேராசிரியர் ஜி.எல். பீரிஸ், ஊடகச் சட்ட மன்றம் (Media Law Forum) மற்றும் டிரான்ஸ்பரன்சி இன்டர்நேஷனல் இலங்கை (Transparency International Sri Lanka) உள்ளிட்ட 15 தரப்பினர் இந்த சட்டமூலத்தை எதிர்த்து மனுக்களைத் தாக்கல் செய்திருந்தனர்.

திருத்தப்பட்ட இந்த சட்டமூலம் நீதித்துறையின் அதிகாரத்தைக் குறைப்பதாகவும், அடிப்படை மனித உரிமைகளை மீறுவதாகவும் அம்மனுக்களில் குறிப்பிடப்பட்டிருந்தது.

அதற்கிணங்க, குறித்த சட்டமூலத்திற்கு மக்கள் வாக்கெடுப்பு (referendum) மூலம் அங்கீகாரம் பெறப்பட வேண்டும் என்று தீர்ப்பளிக்குமாறும் மனுதாரர்கள் கோரியுள்ளனர்.