பொதுமக்களின் சார்பில் மதுபான உற்பத்தியாளர்கள் விடுத்துள்ள கோரிக்கை

Government Of Sri Lanka Sri Lankan Peoples Ministry of Finance Sri Lanka

By Kamal May 17, 2023 04:07 AM GMT

Kamal

in இலங்கை

Report

நாட்டின் சாதாரண பொதுமக்களின் சார்பில் மதுபான உற்பத்தியாளர்கள், அரசாங்கத்திடம் கோரிக்கை ஒன்றை விடுத்துள்ளனர்.

மதுபான நுகர்வு பாரியளவில் குறைந்துள்ளதாக அவர்கள் தெரிவித்துள்ளனர்.

எனவே சாதாரண பொதுமக்கள் கொள்வனவு செய்யக் கூடிய வகையில் மதுபான விலைகளை குறைக்க வேண்டுமென உற்பத்தியாளர்கள் கோரியுள்ளனர்.

அண்மையில் இடம்பெற்ற சந்திப்பு

பொதுமக்களின் சார்பில் மதுபான உற்பத்தியாளர்கள் விடுத்துள்ள கோரிக்கை | Allow An Affordable Drink For Common Man Booze

முன்னணி மதுபான உற்பத்தி நிறுவனங்களின் பிரதானிகளுக்கும், நிதி அமைச்சின் பிரதிநிதிகளுக்கும் இடையில் அண்மையில் இது தொடர்பில் சந்திப்பு நடத்தப்பட்டுள்ளது.

மதுபான வகைகளின் சடுதியான விலை அதிகரிப்பு காரணமாக மதுபான நுகர்வு பாரியளவில் குறைந்துள்ளது.

அண்மைய மாதங்களில் மதுபான விற்பனை 40 வீதத்தினால் குறைந்துள்ளதாக உற்பத்தியாளர்கள் சுட்டிக்காட்டியுள்ளனர்.

ஒரு போத்தலுக்கு 85 வீத வரி

நாட்டில் அதிகளவு நுகரப்படும் கல் (Gal Arrack) என்ற மதுபான வகையின் கால் போத்தல் 750 ரூபா எனவும், தினக் கூலி வேலை செய்யும் தொழிலாளியினால் மதுபான கொள்வனவு செய்யும் இயலுமை கிடையாது எனவும் சுட்டிக்காட்டியுள்ளது.

ஒரு போத்தல் சாராயத்திற்கு 85 வீத வரி விதிக்கப்பட்டு வருகின்றமை குறிப்பிடத்தக்கது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை