அக்குரேகொட இரட்டைக்கொலை! மற்றுமொரு சந்தேகநபர் குற்றப்பிரிவினரால் கைது
அக்குரேகொடவில் வழக்கறிஞர் மற்றும் அவரது மனைவி சுட்டுக்கொல்லப்பட்ட சம்பவம் தொடர்பாக துப்பாக்கித்தாரியான பிரதான சந்தேகநபருக்கு, வெளிநாடு செல்வதற்காக போலி ஆவணங்களையும் போலி கடவுச்சீட்டையும் தயாரிக்க உதவிய நபர் ஒருவரை மேற்கு மாகாண தெற்கு குற்றப்பிரிவு கைது செய்துள்ளது.
இந்த இரட்டைக்கொலை, தலங்கம பொலிஸ் பிரிவு, அக்குரேகொடவில் உள்ள ஒரு பல்பொருள் அங்காடிக்கு முன்பாக 2026 பெப்ரவரி 13 ஆம் திகதி இடம்பெற்றது.
சம்பவம் குறித்து மேற்கு மாகாண தெற்கு குற்றப்பிரிவு விரிவான விசாரணைகளை தொடங்கியிருந்தது.
சந்தேகநபர் கைது
அதன்படி, மேலதிக விசாரணைகளின் போது வெளிப்படுத்தப்பட்ட தகவல்களின் அடிப்படையில், சந்தேகநபர் நேற்று ( 7 ) அன்று பொலிஸ் அதிகாரிகளால் கைது செய்யப்பட்டார்.

வெளிநாடு செல்வதற்காகப் போலி கடவுச்சீட்டைத் தயாரிக்க பிரதான சந்தேகநபருக்கு கைரேகை எடுத்த குறித்த நபர், போலி ஆவணங்கள் தயாரிப்பதற்கு உதவிய குற்றத்தின் கீழ் கைது செய்யப்பட்டுள்ளார்.
இவ்வாறு கைது செய்யப்பட்ட சந்தேகநபர், மினுவாங்கொடவைச் சேர்ந்த 45 வயதுடையவர் ஆவார்.
இந்த இரட்டைக் கொலை மற்றும் இதில் சம்பந்தப்பட்ட வலையமைப்பு குறித்த தனது விசாரணைகளை மேற்கு மாகாண தெற்கு குற்றப்பிரிவு தொடர்ந்து நடத்தி வருகிறது.
42 ஆண்டுகள் பிரித்தானியாவில் வாழ்ந்தவருக்கு மறுக்கப்பட்ட குடியுரிமை - இறுதியாக 76 வயதில்... News Lankasri