வளைகுடா பகுதியில் 6,000 கப்பல் பணியாளர்கள் தவிப்பு

Israel Iran World

By Amal Jul 08, 2026 03:02 PM GMT

Amal

in உலகம்

Report

வளைகுடா கடற்பரப்பில் உள்ள நூற்றுக்கணக்கான கப்பல்களில் சுமார் 6,000 கப்பல் பணியாளர்கள் தவித்து வருவதாக சர்வதேச கடல்சார் அமைப்பின் தலைவர் அர்சீனியோ டொமினிகஸ் தெரிவித்துள்ளார்.

அத்தோடு, மோதல்களில் ஈடுபட்டுள்ள அனைத்துத் தரப்பினரும் தங்களின் உச்சக்கட்டப் பொறுமையைக் கடைப்பிடித்து, பதற்றத்தைத் தணிக்க முன்வர வேண்டும் என்றும் அவர் அவசர கோரிக்கை விடுத்துள்ளார்.

இதுதொடர்பாக அவர் வெளியிட்டுள்ள அறிக்கையில், கடந்த இரண்டு நாட்களாக ஹோர்முஸ் நீரிணை வழியாகச் சென்ற பல கப்பல்கள் மீது நடத்தப்பட்ட தாக்குதல்களைக் கடுமையாகக் கண்டித்துள்ளார்.

தாக்குதல்கள்

இந்தத் தாக்குதல்கள் எந்தவொரு தவறும் செய்யாத அப்பாவி கப்பல் பணியாளர்களின் உயிர்களுக்குப் பாரிய ஆபத்தை ஏற்படுத்தியுள்ளதாக அவர் சுட்டிக்காட்டியுள்ளார்.

வளைகுடா பகுதியில் 6,000 கப்பல் பணியாளர்கள் தவிப்பு | 6 000 Seafarers Stranded In The Gulf Region

"தங்கள் கடமையைச் செய்வதற்காக எந்தவொரு கப்பல் பணியாளரும் தங்களின் உயிரைப் பணயம் வைக்க வேண்டிய கட்டாயம் ஏற்படக்கூடாது," என்று டொமினிகஸ் தெரிவித்துள்ளார்.

மேலும், பணியாளர்களின் பாதுகாப்பை முழுமையாக உறுதிப்படுத்த முடியாத வரை, கப்பல் நிறுவனங்களும் இயக்குநர்களும் இந்த நீரிணை வழியிலான கடல் வழிப் பயணங்களைத் தவிர்க்க வேண்டும் என்றும் அவர் வலியுறுத்தியுள்ளார்.

முன்னுரிமை

தற்போது வளைகுடா பகுதியை விட்டு பாதுகாப்பாக வெளியேற முடியாமல் தவிக்கும் சுமார் 6,000 கப்பல் பணியாளர்கள் மத்தியில், இந்தத் தாக்குதல்கள் ஏற்கனவே இருந்த பயம், நிச்சயமற்ற தன்மை மற்றும் உளவியல் ரீதியான அழுத்தத்தை மேலும் அதிகரித்துள்ளதாக அவர் குறிப்பிட்டுள்ளார்.

வளைகுடா பகுதியில் 6,000 கப்பல் பணியாளர்கள் தவிப்பு | 6 000 Seafarers Stranded In The Gulf Region

"கப்பல் பணியாளர்களின் பாதுகாப்பிற்கு மட்டுமே நமது முதன்மையான முன்னுரிமை வழங்கப்பட வேண்டும்," என்றும் ஐ. நா சர்வதேச கடல்சார் அமைப்பின் தலைவர் அர்சீனியோ டொமினிகஸ் உறுதியாகத் தெரிவித்துள்ளார்.