லங்காசிறி FM
படுகொலை செய்யப்பட்ட அருட்தந்தை சந்திரா அடிகளாரின் 35 ஆவது ஆண்டு நிறைவு தின நிகழ்வு (Photos)
ஆயுதக்குழுவொன்றினால் சுட்டுப்படுகொலை செய்யப்பட்ட அருட்தந்தை சந்திரா அடிகளாரின் 35 ஆவது ஆண்டு நிறைவு தின நிகழ்வு இன்று (06.06.2023) உணர்வுபூர்வமாக மட்டக்களப்பில் அனுஷ்டிக்கப்பட்டுள்ளது.
1987 மற்றும் 1988 ஆண்டு காலப்பகுதியில் இலங்கையில் இந்திய அமைதி காக்கும் படை இலங்கைக்கு வந்த போது, இலங்கையில் தமிழ் மக்கள் மீது திணிக்கப்பட்ட அடக்குமுறைகளுக்கு எதிராக கடுமையாக குரல் கொடுத்து வந்ததுடன் கிழக்கில் தமிழர்கள் மீது நடாத்தப்பட்ட படுகொலைகள் குறித்து சர்வதேசத்தின் கவனத்திற்கு அருட்தந்தை சந்திரா அடிகளார் கொண்டு சென்றிருந்தார்.
நினைவு அஞ்சலி
அத்துடன் நல்லுறவுக்காக மட்டக்களப்பு மாவட்டத்தில் உள்ள அனைத்து இன மத மக்களை பாதுகாக்கும் மனிதாபிமான செயற்பாட்டில் ஈடுபட்டு, ஆன்மீக வாழ்வினை அர்ப்பணித்த அருட்தந்தை சந்திரா அடிகளார் 1988 ஆம் ஆண்டு ஜூன் மாதம் ஆறாம் திகதி ஆயுக்குழுவொன்றினால் சுட்டுக்கொல்லப்பட்டார்.
சுட்டுக்கொல்லப்பட்ட அருட்தந்தை சந்திரா அடிகளாரின் 35 ஆவது ஆண்டு நிறைவு தின விசேட அஞ்சலி நிகழ்வு , மட்டக்களப்பு மாவட்ட கரித்தாஸ் எகெட் பல்சமய ஒன்றியத்தின் அனுசரணையில், மாவட்ட சர்வமத ஒன்றியத்தின் ஏற்பாட்டில் மட்டக்களப்பு புளியந்தீவு மரியாள் பேராலய வளாகத்தில் அமைக்கப்பட்டுள்ள அடிகளாரின் சமாதியில் நடைபெற்றது.
இதன்போது அடிகளாரின் சமாதியில் ஈகச்சுடர் ஏற்றப்பட்டு மலரஞ்சலி செலுத்தப்பட்டு அடிகளாரின் சேவைநலன் தொடர்பான சிறப்புரைகள் இடம்பெற்றது.
இந்த நினைவு அஞ்சலி விசேட நிகழ்வில் புளியந்தீவு மரியாள் பேராலய பங்குத்தந்தை ஜோர்ச் ஜீவராஜ், அருட்தந்தையர்கள், அருட்சகோதரர்கள், சர்வமத தலைவர்கள், சிவில் சமுக பிரதிநிதிகள், அடிகளாரின் குடும்ப உறுப்பினர்கள், பொதுநிலையினர் என பலர் கலந்து கொண்டிருந்தனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
பிரித்தானியாவில் 2 கோடி குடும்பங்களுக்கு £100 ஆற்றல் மானியம்: சான்சலர் ஜான் ஹீலி அறிவிப்பு News Lankasri
பிக்பாஸ் 10வது சீசனை தொகுத்து வழங்கிய ரம்யா கிருஷ்ணன் வாங்கிய சம்பளம்... எவ்வளவு தெரியுமா? Cineulagam
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
