ஈரானில் ஒரே நாளில் 29 பேருக்கு தூக்குத் தண்டனை : எழுந்துள்ள கண்டனம்

Iran World

By K. S. Raj Aug 08, 2024 05:55 PM GMT

K. S. Raj

in உலகம்

Report

ஈரான்(Iran) ஒரே நாளில் 29 பேருக்கு நேற்று(07) தூக்குத் தண்டனையை நிறைவேற்றியுள்ளதாக சர்வதேச ஊடகங்கள் செய்தி வெளியிட்டுள்ளன.

இதில் 26 பேர் ஒரே சிறைச்சாலையை சேர்ந்தவர்கள் என்று மனித உரிமை குழு தெரிவித்துள்ளது.

சர்வதேச அமைப்புகள்

2022ஆம் ஆண்டு போராட்டத்தில் ஈடுபட்டவர்களுக்கு தூக்குத் தண்டனை நிறைவேற்றியது தொடர்பாக சர்வதேச அமைப்புகளின் கண்டனத்தை எதிர்கொண்ட ஒருநாள் கழித்து இந்த தூக்குத் தண்டனையானது நிறைவேற்றப்பட்டுள்ளது.

ஈரானில் ஒரே நாளில் 29 பேருக்கு தூக்குத் தண்டனை : எழுந்துள்ள கண்டனம் | 29 People Were Death Penalty One Day In Iran

நோர்வே நாட்டை தளமாக கொண்ட ஈரான் மனித உரிமைகள் குழு வழங்கிய தகவலில், தூக்கு தண்டனை வழங்கப்பட்டவர்களில் 26 பேருக்கு தெஹ்ரானுக்கு வெளியே கராஜில் அமைந்துள்ள கெசல் ஹெசார் (Ghezelhesar) சிறைச்சாலையில் தண்டனை நிறைவேற்றப்பட்டுள்ளதாவும், மீதமுள்ள 3 பேருக்கு கராஜ் நகரம் (Karaj's city) சிறைச்சாலையில் தண்டனை நிறைவேற்றப்பட்டுள்ளது என்றும் தெரிவித்துள்ளது.

தூக்கிலிடப்பட்டவர்களில் இரண்டு பேர் ஆப்கானிஸ்தான் நாட்டை சேர்ந்தவர்கள் எனவும், அவர்கள் மீது கொலை, போதைப்பொருள் கடத்தல் மற்றும் பாலியல் அத்துமீறல் குற்றச்சாட்டுகள் சுமத்தப்பட்டிருந்ததாகவும் தெரிவிக்கப்படுகிறது.