லங்காசிறி FM
அதிவேகமாகச் சென்ற மோட்டார் சைக்கிள் மின்கம்பத்தில் மோதி விபத்து - 21 வயது இளைஞர் உயிரிழப்பு
களுத்துறை - வடுவா, மொல்லிகொட பகுதியில் இடம்பெற்ற கோர விபத்தில் இளைஞர் ஒருவர் உயிரிழந்துள்ளதுடன், மற்றொருவர் படுகாயமடைந்துள்ளார்.
இந்த சம்பவம் இன்று(28.10.2026) இடம்பெற்றுள்ளதாக தெரிவிக்கப்பட்டுள்ளது.
இவ்வாறு விபத்தில் உயிரிழந்தவர், வஸ்கடுவாவைச் சேர்ந்த 21 வயது இளைஞர் என பொலிஸார் அடையாளம் கண்டுள்ளனர்.
அத்துடன், மொல்லிகொட பகுதியில் அமைந்துள்ள தீவில் உள்ள ஒரு தயிர் உற்பத்தி நிறுவனத்தில் அவர் ஊழியராகப் பணிபுரிந்து வருவதாகவும் விசாரணையில் தெரியவந்துள்ளது.
ஒருவர் பலி - ஒருவர் படுகாயம்
ஒரே தொழிற்சாலையில் பணிபுரியும் இரண்டு நண்பர்கள், இரண்டு மோட்டார் சைக்கிள்களில் ஒரே திசையில் பயணித்துக் கொண்டிருந்த போது இவ்வாறு விபத்துக்குள்ளாகியுள்ளனர்.
அவருக்கு முன்னால் சென்ற மோட்டார் சைக்கிள் கட்டுப்பாட்டை இழந்து, சாலையோரம் இருந்த ஒரு மின் கம்பத்தில் மோதியதில், அந்த மோட்டார் சைக்கிள் சாலையின் குறுக்கே கவிழ்ந்தது.
அதே நேரத்தில், பின்னால் வந்த மற்றொரு மோட்டார் சைக்கிளும் கவிழ்ந்தது. அதில் பயணித்த மற்றொரு இளைஞர், மோட்டார் சைக்கிள் மோதியதில் காயமடைந்தார்.
காயமடைந்த இளைஞர் மேலதிக சிகிச்சைக்காக பாணந்துறை ஆதார வைத்தியசாலையில் அனுமதிக்கப்பட்டுள்ளார்.
இந்த சம்பவம் தொடர்பில் வடுவா பொலிஸார் மேலதிக விசாரணைகளை மேற்கொண்டு வருகின்றனர்.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026