லங்காசிறி FM
மக்களின் பல மில்லியன் நிதியை மோசடி செய்த அரச அதிகாரி - விசாரணையில் அதிர்ச்சித் தகவல்
அனுராதபுரம், மதவாச்சி பிரதேச செயலகத்தில் அஸ்வெசும பயனாளிகளுக்கு வழங்க வேண்டிய பணத்தை அதிகாரி ஒருவர் மோசடியாக தனக்கு பெற்றுக் கொண்டுள்ளமை கண்டறியப்பட்டுள்ளது.
மதவாச்சி பிரதேச செயலகம் பல மத, தார்மீக மற்றும் பொது சேவைகளை வழங்குவதால், நிறுவனத்தில் ஏதேனும் முறைகேடுகளைக் கண்டறிவதை எளிதாக்க மதவாச்சி பிரதேச செயலகத்தின் தகவல் தொழில்நுட்பப் பிரிவு மற்றும் நலன்புரி பயனாளிகள் சபை ஆகியவை தகவல் தொழில்நுட்பப் பிரிவுக்கு அதிகாரம் அளித்துள்ளன.
அலுவலராக பணியாற்றிய குறித்த அதிகாரி, தரவு அமைப்பில் உள்ள குறைபாடுகளைப் பயன்படுத்தி தனது கணக்குகளுக்கு பணத்தை மாற்றியுள்ளார் என தெரியவந்துள்ளது.
நிதி மோசடி
2023ஆம் ஆண்டு முதல் உயிரிழந்தவர்கள் மற்றும் முதியவர்களின் பெயர்களில் சுமார் 2.2 மில்லியன் ரூபாய் நிதி இவ்வாறு முறைகேடாக பெறப்பட்டுள்ளது.
தகவல் தொழில்நுட்பப் பிரிவு மற்றும் பொருளாதார மேம்பாட்டுப் பிரிவின் துரித விசாரணையால் இந்த பாரிய மோசடி அம்பலமாகி உள்ளது. குற்றம் சாட்டப்பட்ட அதிகாரி தனது நண்பர்கள் மற்றும் உறவினர்களின் வங்கி கணக்குகளையும் இந்த மோசடிக்காக பயன்படுத்தியுள்ளார்.
அதற்கமைய, இந்த மோசடி குறித்து மதவாச்சி பிரதேச செயலாளர் கசுன் செனவிரத்னவுக்கு தகவல் வழங்கப்பட்டுள்ளது. இதனையடுத்து தகவல் தொழில்நுட்ப அதிகாரிகள் நடவடிக்கை எடுத்துள்ளனர்.
உடனடியாக இடமாற்றம்
குற்றம் சாட்டப்பட்ட அதிகாரியை உடனடியாக இடமாற்றம் செய்து, நிறுவன மட்டத்தில் முதற்கட்ட விசாரணை முன்னெடுக்கப்பட்டுள்ளது. அதற்கமைய மோசடி செய்யப்பட்ட பணம் முழுமையாக மீட்கப்பட்டுள்ளதாகத் தெரிவிக்கப்படுகிறது.
மேலதிக சட்ட நடவடிக்கைகளுக்காக மதவாச்சி பொலிஸ் நிலையத்தில் முறைப்பாடு செய்யப்பட்டுள்ளதுடன், விசாரணைகள் தீவிரப்படுத்தப்பட்டுள்ளன.
பணத்தின் அளவு மற்றும் தன்மையைக் கருத்தில் கொண்டு, அடுத்தகட்ட விசாரணைகள் கெபிதிகொல்லேவ பொலிஸ் நிலையத்திற்கு மாற்றப்படவுள்ளன.
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
புங்குடுதீவு 11ம் வட்டாரம், புங்குடுதீவு 3ம் வட்டாரம், London, United Kingdom
08 Mar, 2021
