லங்காசிறி FM
மட்டக்களப்பு - மயிலத்தமடுவில் தொடரும் 16ஆவது நாள் மனித சங்கிலிப் போராட்டம் (Photos)
கால்நடைகள் என்பது வெறும் உயிர் அல்ல, அது உணவளிக்கும் ஒரு உயிரினம், அதன் இடங்களை அபகரித்து அவை வீதிகளில் திரிவதை யாரும் அனுமதிக்கமாட்டார்கள். எனவே, ஜனாதிபதி எமது பிரச்சினைக்கு உடனடி கவனம் செலுத்தி எமது பிரச்சினைகளை தீர்க்க முன்வரவேண்டும் என மட்டக்களப்பு கால்நடை பண்ணையாளர்களின் குடும்பத்தினர் கோரிக்கை விடுத்துள்ளனர்.
மட்டக்களப்பு - ஏறாவூர்ப்பற்று பிரதேச செயலாளர் பிரிவுக்குட்பட்ட பெரியமாதவணை, மயிலத்தமடு பண்ணையாளர்கள் தங்களது மேய்ச்சல் தரைகளை தங்களுக்கு மீட்டுத்தரக் கோரி கடந்த 15ஆம் திகதியில் இருந்து தொடர்ச்சியாக 16ஆவது நாளாகவும் இன்று (30.09.2023) சுழற்சி முறையிலான கவனயீர்ப்பு போராட்டத்தில் ஈடுபட்டு வருகின்றனர்.
மனித சங்கிலிப் போராட்டம்
இந்த நிலையில் இன்றைய தினம் கால்நடை பண்ணையாளர்களின் குடும்பத்தினரும் இந்த போராட்டத்தில் இணைந்து கொண்டதுடன் மனித சங்கிலிப் போராட்டமும் முன்னெடுக்கப்பட்டது.
இந்த போராட்டத்தில் பண்ணையாளர்களின் குடும்பத்தினர் தமது பிள்ளைகளுடன் கலந்துகொண்டு தமது கோரிக்கையினை நிறைவேற்றுமாறு கோரி போராட்டம் நடாத்தினார்கள்.
இன்றைய போராட்டத்தில் பெருமளவான குடும்ப உறுப்பினர்களும் பண்ணையாளர்களும்
கலந்துகொண்டதுடன் மனித சங்கிலி போராட்டம் நடைபெற்றதுடன் இதன்போது தமது
காணிகளை விடுவிக்குமாறு கோரிக்கை விடும் வகையிலான பல்வேறு கோசங்களும்
எழுப்பப்பட்டன.
மயிலத்தமடு - மாதவணை மேய்ச்சல் காணியென்பது எமது சொந்த நிலம். பரம்பரை பரம்பரையான நாங்கள் எமது கால்நடைகளை பராமரித்துவரும் காணிகளாகும்.
அதனை வேறு மாவட்டங்களை
சேர்ந்தவர்கள் வந்து அபகரிப்பதை நாங்கள் அனுமதிக்கமாட்டோம் என இங்கு
கலந்துகொண்ட பண்ணையாளர்களின் உறவினர்கள் தெரிவித்தனர்.
ஜனாதிபதி நியாயமான எமது கோரிக்கையினை நிறைவேற்றவேண்டும். இந்த போராட்டம் யாரின் காணியையும் கோரி முன்னெடுக்கவில்லை.
எமது காணியை எமக்கு வழங்குமாறு கோரியே
போராடுகின்றோம் என பண்ணையாளர்கள் தெரிவித்தனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
ஐரோப்பிய ஒன்றியத்திலிருந்து புலம்பெயர்ந்தோரை வெளியேற்ற ஒப்பந்தமிடும் ஐந்து ஐரோப்பிய நாடுகள் News Lankasri
டன் கணக்கிலானத் தங்கத்தை அமெரிக்காவிலிருந்து வெளியேற்றும் ஐரோப்பிய நாடுகள்: என்ன காரணம் News Lankasri
வண்ணார்பண்ணை, Leiden, Netherlands, Sutton, United Kingdom
06 Sep, 2021
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023
