திருகோணமலையில் மின்சாரம் தாக்கி 14 வயது சிறுவன் உயிரிழப்பு (Photos)

Sri Lanka Police Trincomalee Accident Death

By Badurdeen Siyana Nov 08, 2023 02:35 PM GMT

Badurdeen Siyana

in விபத்து

Report

திருகோணமலை - நிலாவெளி பொலிஸ் பிரிவுக்கு ஆறாம் கட்டை ஐயப்பன் கோயிலில் பூசை உதவியாளராக கடமை ஆற்றி வந்த 14 வயது சிறுவன் மின்சாரம் தாக்கி இன்று (08) உயிரிழந்துள்ளார்.

எதிர்வரும் 17 ஆம் திகதி வெள்ளிக்கிழமை மஹர ஜோதி மண்டல பெருவிழா இடம் பெற இருக்கின்ற நிலையில் குறித்த கோயிலில் நிறம் பூசும் வேலைகள் இடம்பெற்று வருகின்றது.

இந் நிலையில், பூசை உதவியாளரான குறித்த சிறுவன் கோயிலுக்கு மேல் மாடிக்குச் சென்று மின் குமிழ்களை பொருத்திக் கொண்டிருக்கின்ற வேளையில் மின்சாரம் தாக்கி உயிரிழந்ததாக விசாரணைகளின் மூலம் தெரிய வந்துள்ளது.

மரண விசாரணை

இவ்வாறு உயிரிழந்தவர் டயகம பகுதியைச் சேர்ந்த திருச்செல்வன் லுகநாத் (14 வயது) என தெரிவிக்கப்படுகின்றது.

திருகோணமலையில் மின்சாரம் தாக்கி 14 வயது சிறுவன் உயிரிழப்பு (Photos) | 14 Year Old Boy Died Electric Shock

குறித்த சிறுவன் கோயிலுக்கு மேலே இருந்ததால் பூசாரியின் மனைவி இரண்டு மூன்று தடவைகள் அழைத்த போது வருகின்றேன் வருகின்றேன் என கூறி உள்ளார்.

பின்னர் பத்து நிமிடங்களாகியும் வராததால் வெளியே வந்து கோயில் மேல் பகுதியை பார்த்தபோது தலைகீழாக கையில் குறடை வைத்துக் கொண்டு வீழ்ந்து கிடந்ததாகவும், இதனை அடுத்து வேலை செய்து கொண்டிருந்தவர்களை கூப்பிட்டு வைத்தியசாலைக்கு கொண்டு சென்றதாகவும் பூசாரியின் மனைவியார் வழங்கிய வாக்குமூலத்தில் தெரிவிக்கப்பட்டுள்ளது.

உயிரிழந்த உதவி பூசாரியின் சடலம் திருகோணமலை பொது வைத்தியசாலை பிரேத அறையில் வைக்கப்பட்டுள்ளதுடன் மரணம் தொடர்பிலான விசாரணைகளை நிலாவெளி பொலிஸார் முன்னெடுத்து வருகின்றனர்.