சட்ட விரோதமாக ஐரோப்பா செல்ல முயற்சித்த 10 பங்களாதேஷ் பிரஜைகள் கைது

இலங்கை வழியாக சட்டவிரோதமான முறையில் ஐரோப்பா செல்ல முயற்சித்த 10 பங்களாதேஷ் பிரஜைகளை இலங்கை அதிகாரிகள் கைது செய்துள்ளனர்.

பங்களாதேஷில் நிலவும் அரசியல் சூழ்நிலையின் காரணமாக பலர் ஐரோப்பிய நாடுகளுக்குப் புலம்பெயர முயற்சிக்கின்றனர்.

இந்த சூழலில், இந்தியா, இலங்கை, மற்றும் மத்திய கிழக்கு நாடுகளின் வழியாக ஐரோப்பாவுக்குச் செல்ல ஒரு பெரிய மனிதக் கடத்தல் மோசடியை குடிவரவு மற்றும் குடியகல்வு துறை (DIE) முறியடித்துள்ளது.

இன்று மினுவாங்கொடாவில் நடந்த சோதனையில் 10 பங்களாதேஷ் பிரஜைகளை குடிவரவு குடியகல்வு அதிகாரிகள் கைது செய்துள்ளனர்.

குடிவரவு மற்றும் குடியியல் துறையின் விசாரணைப் பிரிவு, கிடைத்த தகவலின் அடிப்படையில், மினுவாங்கொடாவில் உள்ள ஒரு விருந்தினர் விடுதியை சோதனை செய்தபோது, 10 பங்களாதேஷ் பிரஜைகள் இங்கு சுற்றுலா விசாவில் இருந்து வீதி மீறி தங்கியிருப்பதை கண்டறிந்துள்ளனர்.

இந்த குழுவினர் கடந்த பெப்ரவரி மாதம் 30 நாட்கள் செல்லுபடியாகும் வருகை-விசா மூலம் இலங்கையில் நுழைந்திருந்தனர்.

எனினும், அவர்கள் 15 நாட்களுக்கு மேலாக இலங்கையில் தங்கியிருந்ததாகவும் விசாரணையில் தெரியவந்துள்ளது.

அவர்கள் அனைவரும் 20 முதல் 30 வயதுக்குள் உள்ள ஆண்கள் எனத் தெரிவிக்கப்படுகின்றது.

விசாரணையின் போது, இந்த குழு இந்தியா வழியாக இலங்கைக்கு வந்துள்ளதும், பிறகு துபாய் சென்று அங்கிருந்து ஐரோப்பாவுக்குப் பயணிக்கத் திட்டமிட்டிருந்ததும் தெரியவந்ததுள்ளதாக தெரிவிக்கப்படுகின்றது.

பங்களாதேஷில் அரசியல் நிலைமை மோசமடைந்ததனால், பலர் நெருங்கிய நாடுகளான இந்தியா, இலங்கை, மற்றும் துபாய் வழியாக ஐரோப்பாவுக்கு செல்ல முயற்சிக்கின்றனர்.

2024ஆம் ஆண்டு முழுவதும் குடிவரவு குடியகல்வு விசாரணைப் பிரிவு 106 பங்களாதேஷ் பிரஜைகளை கைது செய்து நாடு கடத்தியதோடு, மேலும் 294 பேரை இலங்கையை விட்டு வெளியேற உத்தரவிட்டதாக அதிகாரிகள் தெரிவித்துள்ளனர்.