சிம்பாப்வேயின் அதிரடி வெற்றி: தலைகீழான 'குழு B' புள்ளிப்பட்டியல்!

ஐசிசி டி20 உலகக் கிண்ண கிரிக்கெட் தொடரில், ஆர். பிரேமதாச சர்வதேச கிரிக்கெட் மைதானத்தில் நடைபெற்ற லீக் போட்டியில், பலம் வாய்ந்த அவுஸ்திரேலிய அணியை வீழ்த்தி சிம்பாப்வே நேற்றையதினம்(13) மிகப்பெரிய அதிர்ச்சியை ஏற்படுத்தியுள்ளது.

இந்த வெற்றியானது அரையிறுதி வாய்ப்பை தீர்மானிக்கும் 'குழு B' பிரிவை முற்றிலும் மாற்றியமைத்துள்ளது.

நாளை நடைபெறவுள்ள இந்திய - பாகிஸ்தான் போட்டி! இலங்கை வந்தடைந்துள்ள இந்திய அணி

அதிரடி வெற்றி

இதன்படி அவுஸ்திரேலியா தனது எஞ்சியுள்ள இரண்டு போட்டிகளிலும் (இலங்கை மற்றும் ஓமான் அணிக்கு எதிராக) கட்டாயம் வெற்றி பெற வேண்டும்.

திங்கட்கிழமை இலங்கைக்கு எதிராகத் தோல்வியடைந்தால், அவுஸ்திரேலியா தொடரிலிருந்து வெளியேறும் அபாயம் உள்ளது.

மேலும் இலங்கை தனது அடுத்த இரண்டு போட்டிகளிலும் வெற்றி பெற்றால், மற்ற அணிகளின் முடிவுகளை எதிர்பார்க்காமல் நேரடியாக அடுத்த சுற்றுக்குத் தகுதி பெறும்.

ஒரு போட்டியில் மட்டும் வெற்றி பெற்றால், நிகர ஓட்ட விகிதம் (NRR) மற்றும் சிம்பாப்வே-அயர்லாந்து அணிகளின் முடிவுகளில் தங்கியிருக்க வேண்டியிருக்கும். அத்துடன் எஞ்சியுள்ள இரண்டு போட்டிகளிலும் வெற்றி பெற்றால் சிம்பாப்வே தகுதி பெற வாய்ப்புள்ளது.

அணியின் புதிய தலைவரை அறிவித்துள்ள ராஜஸ்தான் ரோயல்ஸ் அணி

 புள்ளிப்பட்டியல்

அத்துடன் மூன்று முக்கிய அணிகளும் (இலங்கை, அவுஸ்திரேலியா, சிம்பாப்வே) 6 புள்ளிகளுடன் சமநிலையில் முடிக்கும் பட்சத்தில், நிகர ஓட்ட விகிதம் (NRR) பின்வருமாறு தீர்மானிக்கப்படும்.

அணிதகுதி பெறுவதற்கான நிபந்தனை அவுஸ்திரேலியா அடுத்த இரண்டு போட்டிகளிலும் பாரிய வெற்றிகளைப் பெற வேண்டும். குறிப்பாக ஓமான் உடனான கடைசிப் போட்டியில் தேவையான NRR-ஐ ஈடுசெய்யும் வாய்ப்பு உள்ளது.

இலங்கை திங்கட்கிழமை அவுஸ்திரேலியாவை வீழ்த்தினால், அவுஸ்திரேலியாவைத் தொடரிலிருந்து அநேகமாக வெளியேற்றலாம்.

சிம்பாப்வே அயர்லாந்துக்கு எதிரான போட்டியில் தோல்வியடைந்தால், மும்முனைப் போட்டிச் சூழல் (Three-way tie) தவிர்க்கப்பட்டு புள்ளிப்பட்டியல் முற்றிலும் மாறும் என்பது குறிப்பிடத்தக்கது.

சூடுப்பிடிக்கும் இந்தியா - பாகிஸ்தான் போட்டி! இந்த பொருட்களுக்கு மைதானத்தில் தடை..

இதேவேளை, ஐசிசி டி20 உலகக் கிண்ணத் தொடரில், சிம்பாப்வே அணியில், காயமடைந்த பிரெண்டன் டெய்லருக்கு (Brendan Taylor) பதிலாக பென் கர்ரன் (Ben Curran) இணைக்கப்பட்டுள்ளார்.

இதற்கான அனுமதியை ஐசிசி தொழில்நுட்பக் குழு வழங்கியுள்ளது. கடந்த பிப்ரவரி 9ஆம் திகதி ஓமான் அணிக்கு எதிராக நடைபெற்ற போட்டியின் போது, பிரெண்டன் டெய்லரின் வலது காலின் பின்பகுதி தசையில் (Right Hamstring) காயம் ஏற்பட்டது.

இதன் காரணமாக அவர் தொடரிலிருந்து விலகியதையடுத்து, அவருக்குப் பதிலாக பென் கர்ரன் பெயரிடப்பட்டுள்ளார்.

ஐசிசி விதிமுறைகளின்படி, ஒரு வீரரை உத்தியோகபூர்வமாக அணியில் சேர்ப்பதற்கு முன்னதாக "நிகழ்வு தொழில்நுட்பக் குழுவின்" (Event Technical Committee) ஒப்புதலைப் பெறுவது அவசியமாகும் என்பது சுட்டிக்காட்டத்தக்கது.