லங்காசிறி FM
சூடுப்பிடிக்கும் இந்தியா - பாகிஸ்தான் போட்டி! இந்த பொருட்களுக்கு மைதானத்தில் தடை..
இந்தியா - பாகிஸ்தான் டி20 உலகக்கிண்ண கிரிக்கெட் தொடரை பார்வையிட செல்லும் ரசிகர்கள் சில பொருட்களை எடுத்து செல்வது தடை செய்யப்பட்டுள்ளதாக பொலிஸ் ஊடகப்பேச்சாளர் பேச்சாளர் எப்.யூ.வுட்லர் தெரிவித்துள்ளார்.
கொழும்பில் இன்று(13) இடம்பெற்ற ஊடகவியலாளர் சந்திப்பின் போதே அவர் இவ்வாறு தெரிவித்துள்ளார்.
5 மணித்தியாலங்களுக்கு முன்னர்
தொடர்ந்தும் குறிப்பிட்ட அவர், போட்டி இடம்பெறும் போது பாதுகாப்பு கடமைகளுக்காக 2,000 பாதுகாப்பு உத்தியோகத்தர்களும், 600 போக்குவரத்து பொலிஸார் பணியில் ஈடுபடுத்தப்படுவர்.
மைதானத்தைச் சுற்றியுள்ள பகுதிகள் சிசிடிவி மூலம் கண்காணிக்கப்படுவதுடன், உடல் மற்றும் வாகனப் பரிசோதனைகள் தீவிரப்படுத்தப்பட்டுள்ளன.
கூட்ட நெரிசலைத் தவிர்க்க மைதானத்தின் அனைத்து வாயில்களும் போட்டி ஆரம்பமாவதற்கு 5 மணித்தியாலங்களுக்கு முன்னதாகவே பிற்பகல் 2 மணிக்கு திறக்கப்படும்.
தடை செய்யப்பட்ட பொருட்கள்
பிளாஸ்டிக் மற்றும் கண்ணாடிப் போத்தல்கள், பெரிய பயணப் பைகள், தலைக்கவசங்கள், ஜாக்கெட்டுகள், மதுபானம், இசைக்கருவிகள் மற்றும் ட்ரோன் கருவிகள் ஆகியவற்றை கொண்டு வரத் தடை விதிக்கப்பட்டுள்ளது.
அனைத்து நுழைவுச்சீட்டுகளும் விற்றுத் தீர்ந்துள்ளதால், நுழைவுச்சீட்டு இல்லாதவர்கள் மைதானத்தைச் சுற்றிக் கூடுவதைத் தவிர்க்குமாறு அறிவுறுத்தப்பட்டுள்ளனர்.
கிரிக்கெட் சபையின் விசேட அனுமதிப்பத்திரம் இல்லாத வாகனங்கள் கெத்தாராம வீதிச் சந்தி மற்றும் வில்சன் பெரேரா வீதி ஊடாக நுழைய அனுமதி இல்லை.
கடுமையான சட்ட நடவடிக்கை
மைதான வளாகம், சதொச வாகனத் தரிப்பிடம், செபஸ்தியன் கால்வாய் வீதி (1 ஆவது மற்றும் 2 ஆவது பாலங்களுக்கு இடையில்), கோவில் வீதி மற்றும் அப்பிள்வத்தை தரிப்பிடங்கள், 100 அடி வீதியின் இருபுறமும் வாகனங்களை தரித்து நிறுத்த முடியும்.
வின்சென்ட் பெரேரா மாவத்தை, கிராண்ட்பாஸ் வீதி, பாபா புள்ளே பாலம் பகுதி, மல்வத்தை பாலம் மற்றும் மாளிகாவத்தை ஒழுங்கை உள்ளிட்ட மைதானத்திற்கு அருகாமையிலுள்ள பல வீதிகளில் போக்குவரத்து மட்டுப்படுத்தப்படும் அல்லது தடைசெய்யப்படும். அனைத்து ரசிகர்களும் மிகவும் பொறுமையுடனும், ஒருவருக்கொருவர் மதிப்பளித்தும் இந்தப் போட்டியைக் கண்டு களிக்க வேண்டும்.
அநாகரிகமாகவோ அல்லது மதுபோதையில் கலகம் விளைவிப்போர் மீதோ கடுமையான சட்ட நடவடிக்கை எடுக்கப்படும் எனப் பாதுகாப்புத் தரப்பு எச்சரித்துள்ளது என குறிப்பிட்டுள்ளார்.
தமிழர் அரசியலும் சிங்கள பௌத்த அரசியல் மனநிலையும்.. 9 மணி நேரம் முன்
'காதல் சொல்ல வந்தேன்' நடிகரின் தற்போதைய நிலை... வெளிநாட்டில் என்ன வேலை செய்றார்னு தெரியுமா? Manithan
முருகன் பிறந்த இடம் வடநாடா? கொந்தளித்த தமிழ் மக்கள்.. ஜூனியர் என்.டி.ஆர் படத்திற்கு எதிர்ப்பு.. Cineulagam
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
யாழ் பருத்தித்துறை வராத்துப்பளை, Jaffna, புற்றளை
25 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026
