லங்காசிறி FM
யுவதியொருவர் கூரிய ஆயுதத்தால் தாக்கப்பட்டு அதிதீவிர சிகிச்சைப்பிரிவில்: காதலன் கைது
அனுராதபுரம் - கும்பிச்சாங்குளம் சுதந்திர வலயத்திற்கு அருகில் யுவதியொருவர் காதலனினால் கூரிய ஆயுதத்தால் தாக்கப்பட்டுள்ளார்.
இன்று (30) பிற்பகல் இந்த சம்பவம் இடம்பெற்றுள்ளதாக அநுராதபுரம் தலைமையக பொலிஸார் தெரிவித்துள்ளனர்.
அனுராதபுரம் நகரிலுள்ள நிதி நிறுவனம் ஒன்றில் பணிபுரிந்து வந்த எப்பாவல பிரதேசத்தைச் சேர்ந்த 30 வயதுடைய காதலன் சம்பவம் தொடர்பில் கைது செய்யப்பட்டுள்ளார்.
இந்த சம்பவத்தில் எப்பாவல பிரதேசத்தை சேர்ந்த 25 வயதுடைய யுவதி படுகாயமடைந்துள்ளார்.
அனுராதபுரம் பொலிஸார் விசாரணை
இதன்போது பலத்த வெட்டுக்காயங்களுக்கு உள்ளான காதலி தற்போது அனுராதபுரம் போதனா வைத்தியசாலையின் அதிதீவிர சிகிச்சைப் பிரிவில் சிகிச்சை பெற்று வருவதாகவும், அவருக்கு சத்திரசிகிச்சை மேற்கொள்ளப்பட்டுள்ளதாகவும் தெரிவிக்கப்படுகின்றது.
இருவரும் சுமார் 9 வருடங்களாக காதலித்து வந்த நிலையில், இருவருக்கும் இடையில் ஏற்பட்ட வாக்குவாதமே குறித்த தாக்குதலுக்கு காரணம் என தெரியவருகின்றது.
தன்னை சந்திக்க விரும்புவதாக தெரிவித்த காதலனிடம் கத்தியும் விச போத்தலும் இருப்பதை அறிந்த யுவதி அவரிடமிருந்து தப்பித்து சுமார் 500 மீற்றர் தூரம் ஓடிய நிலையில், காதலன் யுவதியை துரத்திச் சென்று தன்னிடமிருந்த கத்தியால் யுவதியை தாக்கியதாக பொலிஸார் தெரிவித்துள்ளனர்.
இதன்போது சம்பவத்தை அவதானித்த சிலர் உடனடியாக நடவடிக்கை எடுத்து தாக்குதல் நடத்திய காதலன் என கூறப்பட்ட நபரை பிடித்து பொலிஸாரிடம் ஒப்படைத்துள்ளதாக பொலிஸார் தெரிவித்துள்ளனர்.
இது தொடர்பான மேலதிக விசாரணைகளை அனுராதபுரம் பொலிஸார் மேற்கொண்டு வருகின்றனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
புத்திகூர்மையுடன் பிறப்பெடுத்த ராசியினர் இவர்கள் தானாம்... உங்க ராசியும் இருக்கான்னு பாருங்க Manithan
மகாநதி சீரியல் இயக்குனர் பிரவீன் பென்னட் இயக்கும் புதிய தொடர்... கமிட்டான சூப்பர் புதிய ஜோடி, யார் பாருங்க Cineulagam
300 ஆண்டுகளுக்கு பின் உருவாகும் திரிகிரஹி யோகம்.. இனி பண மழை கொட்டுமாம்..அதிர்ஷ்டம் யாருக்கு? Manithan
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
