லங்காசிறி FM
இலங்கையில் 48 மணி நேரத்திற்கு மேலாக காய்ச்சல், அறிகுறிகள் நீடிப்பவர்களுக்கு விடுக்கப்பட்டுள்ள எச்சரிக்கை
இலங்கையில் டெங்கு மற்றும் மலேரியா நோயாளிகளின் போக்கு அதிகரித்து வருவதாக வைத்தியர்கள் எச்சரித்துள்ளனர்.
இரண்டு தொற்றுநோய்களும் நாட்டிலிருந்து ஒழிக்கப்பட்டிருந்தாலும், டெங்கு மற்றும் மலேரியா நோயாளிகள் அவ்வப்போது நாட்டில் காணப்படுவதாகவும் தெரிவித்துள்ளனர்.
டெங்கு மரணங்கள்
2025ஆம் ஆண்டின் 12 மாதங்களில் டெங்கு நோயால் 29 பேர் உயிரிழந்திருந்த நிலையில் இந்த ஆண்டின் முதல் ஐந்து மாதங்களில் 14 டெங்கு மரணங்கள் பதிவாகியுள்ளது.
அதிக காய்ச்சல், உடல் வலி, கண்களுக்குக் கீழ் வலி, வாந்தி, குமட்டல் போன்ற அறிகுறிகள் ஏற்பட்டு, 48 மணி நேரத்திற்குள் காய்ச்சல் குறையவில்லை என்றால், உடனடியாக மருத்துவரை அணுகி மருத்துவ ஆலோசனை பெற வேண்டும் என்றும் அவர் அறிவுறுத்தப்பட்டுள்ளனர்.
டெங்கு மற்றும் மலேரியா இரண்டு தொற்றுநோய்களும் நாட்டிலிருந்து ஒழிக்கப்பட்டிருந்தாலும், டெங்கு மற்றும் மலேரியா நோயாளிகள் அவ்வப்போது நாட்டில் காணப்படுவதாகத் தெரிவித்துள்ளனர்.
2016 ஆம் ஆண்டில் உலக சுகாதார அமைப்பு (WHO) நாட்டை டெங்கு இல்லாத நாடாக அறிவித்திருந்தாலும், 2025-ஆம் ஆண்டில் நாட்டில் 68 டெங்கு நோயாளிகள் கண்டறியப்பட்டதாகவும் டெங்கு நோய் பிரிவின் பணிப்பாளர் பிரசங்க செரசிங்க கூறியுள்ளார்.
இவர்களில் 34 பேர் நாட்டிற்குத் திரும்பிய இந்திய நாட்டினர் என்றும், மீதமுள்ள 34 பேர் இலங்கையர்கள் என்றும் அவர் தெரிவித்துள்ளார்.
மலேரியா பரவல்
மலேரியாவால் பாதிக்கப்பட்ட ஒருவரை கடிக்கும் நுளம்பு மற்றொருவருக்கும் நோயைப் பரப்பக்கூடும் என்பதால், ஏதேனும் சந்தேகம் எழுந்தால், ஒவ்வொரு மாவட்டத்தையும் உள்ளடக்கும் வகையில் நிறுவப்பட்ட மையங்களில் உரிய பரிசோதனைகளை மேற்கொள்ளலாம் என்றும் அவர் குறிப்பிட்டுள்ளார்.
2016 ஆம் ஆண்டில் நாட்டில் இருந்து மலேரியா முற்றிலுமாக ஒழிக்கப்பட்ட போதிலும், வெளிநாட்டினர் மற்றும் வெளிநாடுகளில் இருந்து நாட்டிற்குத் திரும்புபவர்கள் மூலம் மலேரியா நோயாளிகள் இன்னும் கண்டறியப்படுகின்றனர் என்றும் வைத்தியர் அருண் குமார் கூறியுள்ளார்.
அதன்படி, 2025 ஆம் ஆண்டில், வெளிநாடுகளில் இருந்து நாட்டிற்கு வந்த 42 பேர் மலேரியாவால் பாதிக்கப்பட்டனர். மேலும் மூவர் மலேரியாவால் உயிரிழந்தனர் என்று அவர் கூறியுள்ளார்.
இந்த ஆண்டு, நாட்டில் 11 மலேரியா நோயாளிகள் கண்டறியப்பட்டுள்ளனர், அவர்கள் அனைவரும் வெளிநாடுகளுக்குச் சென்று வந்தவர்கள் என்றும் வைத்தியர் அருண் குமார் தெரிவித்துள்ளார்.
புங்குடுதீவு 12ம் வட்டாரம், புங்குடுதீவு, கொழும்பு, London, United Kingdom
24 Apr, 2025
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
தெல்லிப்பழை, உருத்திரபுரம், Cergy, France, Coventry, United Kingdom
13 May, 2022
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
