லங்காசிறி FM
இஸ்ரேலை விட்டு வெளியேறிய இலங்கையர்களின் விசா தொடர்பில் முக்கிய அறிவிப்பு
விடுமுறை மற்றும் பிற நோக்கங்களுக்காக இஸ்ரேலை விட்டு வெளியேறிய தொழிலாளர்களின் விசா காலம் 2026 ஏப்ரல் 30ஆம் திகதி வரை நீட்டிக்கப்பட்டுள்ளது என்று இஸ்ரேலுக்கான இலங்கைத் தூதர் நிமல் பண்டார தெரிவித்தார்.
இந்த முடிவின்படி, 2026 பெப்ரவரி 28ஆம் திகதி முதல் ஏப்ரல் 21 வரை காலாவதியான அல்லது காலாவதியாகவிருக்கும் மறுநுழைவு விசாக்கள் ஏப்ரல் 30 வரை தானாகவே நீட்டிக்கப்படும், மேலும் இதற்குத் தனி விண்ணப்பம் தேவையில்லை.
புதுப்பிக்கப்பட்ட விசாவின் செல்லுபடியாகும் காலம் இஸ்ரேலின் மக்கள் மற்றும் குடிவரவு அதிகாரசபையின் அமைப்பில் பிரதிபலிக்கும் என்றும், அந்தக் காலகட்டத்தில் எல்லை தாண்டி மீண்டும் நுழைய அனுமதிக்கப்படும் என்றும் அது கூறியது.
விண்ணப்பம் தேவையில்லை
இதற்கிடையில், ஹிஸ்புல்லா மற்றும் ஈரான் அமைப்புகளால் இஸ்ரேல் மீது மேலும் தாக்குதல்கள் நடத்தப்பட வாய்ப்புள்ளது என்று தூதர் நிமல் பண்டார எச்சரித்துள்ளார்.
குறிப்பாக இஸ்ரேலின் வடக்குப் பகுதிகளில் உள்ள பொருளாதார மற்றும் இராணுவ இலக்குகள் மீது ஒரே நேரத்தில் தாக்குதல்கள் நடத்தப்பட வாய்ப்புள்ளது என்று நாட்டின் பாதுகாப்புப் படைகள் பொதுமக்களுக்குத் தெரிவித்துள்ளன.
அதன்படி, அப்பகுதிகளில் வசிக்கும் மக்கள் பாதுகாப்பு அறிவுறுத்தல்களைப் பின்பற்றுமாறும், அபாய ஒலி கேட்கும்போது அருகிலுள்ள பாதுகாப்பான இடங்களுக்கு உடனடியாகச் செல்லுமாறும் அறிவுறுத்தப்படுகிறார்கள்.
பாதுகாப்பான இடங்கள் இல்லாத பட்சத்தில், வலுவான சுவர்கள் கொண்ட இடத்தில் தஞ்சம் அடைவதும், கண்ணாடி கதவுகள் மற்றும் ஜன்னல்களிலிருந்து விலகி இருப்பதும் அவசியம் என்றும் வலியுறுத்தியுள்ளார்கள்.
