வடக்கு ஆளுநரது செயற்பாடுகள் தொடர்பில் விக்னேஸ்வரன் காட்டம் : ஜனாதிபதிக்கு கடிதம்

Ranil Wickremesinghe C. V. Vigneswaran P. S. M. Charles

By Kajinthan May 25, 2024 07:08 AM GMT

Kajinthan

in சமூகம்

Report

வடக்கில் அரசாங்க அதிபர்கள் மற்றும் அமைச்சுக்களுக்கான செயலாளர்கள் நியமனம் அரசியல் காரணமாக பின்னடிப்புச் செய்யக் கூடாதென ஜனாதிபதி ரணில் விக்ரமசிங்கவுக்கு நாடாளுமன்ற உறுப்பினர் சி.வி.விக்னோஸ்வரன் (C.V.Vigneswaran) எழுத்து மூலம் கடிதம் அனுப்பியுள்ளார்.

குறித்த கடிதத்தில், “யாழ்ப்பாணம் மற்றும் கிளிநொச்சி ஆகிய இரண்டு மாவட்டங்களிலுமுள்ள நிரந்தர அரசாங்க அதிபர்கள் ஓய்வு பெற்று சுமார் 03 மாதங்களாகியும் நிரந்தர அதிகாரிகள் நியமிக்கப்படவில்லை.

பணியிடங்கள்

இந்நிலையில் மேலதிக அரசாங்க அதிபர் அந்த கடமைகளில் உள்வாங்கப்பட்டுள்ளனர். தமிழ் சிறப்பு தர இலங்கை நிர்வாக சேவை அதிகாரிகள் (SLAS) நியமனத்திற்கு தகுதி இருந்தும் முக்கியமான பொதுப் பதவிகளுக்கு இந்த மூத்த அதிகாரிகளின் நியமனங்களை அரசியல் தடுக்கக் கூடாது.

மேலும், மாவட்ட அலுவலகத்தில் 04 செயலர் பணியிடங்கள் வெற்றிடமாக உள்ளன.

vigneswaran-regarding-activities-northern-governo

ஆனால் தரம் 1 அதிகாரிகள் கல்வி அமைச்சு, மகளிர் விவகார அமைச்சு மற்றும் ஆளுநர் அலுவலகத்தில் கடமையாற்றுகின்ற அதேவேளை விவசாய அமைச்சின் செயலாளர் சுகாதார அமைச்சின் செயலாளராக செயற்படுகின்றார்.

பொதுமக்கள்

சில மூத்த சிறப்பு அதிகாரிகளும் அரசியல் காரணங்களுக்காக அரசாங்க அதிபர் மற்றும் அமைச்சுக்களின் செயலாளர்கள் பதவியில் இருந்து புறக்கணிக்கப்படுகிறார்கள்.

vigneswaran-regarding-activities-northern-governo

முக்கியமான நிர்வாகப் பதவிகளுக்கு மூத்த SLAS அதிகாரிகளை நியமிப்பதை வடக்கு மாகாண ஆளுநர் விரும்பவில்லை மாறாக அவர் அந்த பதவிகளை நிர்வகிக்க இளையவர்களை விரும்புவதாக தெரிகிறது.

இதனால் இந்த சிரேஷ்ட இலங்கை நிர்வாக சேவை அதிகாரிகளின் பெறுமதியான சேவைகளை பொதுமக்கள் இழக்கின்றனர்.

எனவே, நிரந்தர உத்தியோகத்தர்களை அரசாங்க மற்றும் செயலாளர்களாக விரைவில் நியமிக்க உடனடி நடவடிக்கை எடுக்குமாறு கேட்டுக்கொள்கிறேன்” என அந்த கடித்த்தில் குறிப்பிடப்பட்டுள்ளது.