லங்காசிறி FM
இலங்கையில் வாகனம் வாங்கவுள்ளோருக்கு மகிழ்ச்சியான செய்தி - அரசாங்கம் வெளியிட்டுள்ள அறிவிப்பு
வாகன இறக்குமதி மீதான வரி உயர்வு தொடர்பான சமீபத்திய கூற்றுக்கள், பொதுமக்களிடையே அச்சத்தை ஏற்படுத்த விற்பனையாளர்கள் பயன்படுத்தும் தவறான தந்திரோபாயங்கள் என தொழில் அமைச்சர் மற்றும் நிதி, திட்டமிடல் பிரதி அமைச்சர் அனில் ஜயந்த தெரிவித்துள்ளார்.
வரி வசூல் புள்ளியில் ஏற்பட்ட மாற்றத்தால், வாகன விலைகள் உண்மையில் குறைய வேண்டும் எனவும் அவர் சுட்டிக்காட்டியுள்ளார்.
ஊடகங்களிடம் இன்றைய தினம் (16.02.2026) கருத்து தெரிவிக்கும் போதே அவர் இந்த விடயத்தை கூறியுள்ளார்.
பொதுமக்கள் ஏமாற்றப்படக்கூடாது
அவர் மேலும் தெரிவிக்கையில், புதிய வரியை அறிமுகப்படுத்துவதற்குப் பதிலாக, அரசாங்கம் சமூகப் பாதுகாப்பு பங்களிப்பு வரி (SSCL) வசூலிக்கும் புள்ளியை விற்பனை புள்ளியிலிருந்து ஆரம்ப சுங்க நிலைக்கு மாற்றியுள்ளது.
எனவே, விலைகள் அதிகரிக்கும் என்று கூறுவதன் மூலம் சமூகத்தில் பயம் உருவாக்கப்படுகிறது. அத்தகைய கூற்றுக்களை விற்பனை தந்திரமாகவும் பயன்படுத்தலாம். பொதுமக்கள் ஏமாற்றப்படக்கூடாது என்பதையே நான் விரும்புகிறேன் உண்மைகளை அறிந்து கொள்ளுங்கள்.
பல்வேறு தனிநபர்களால் கூறப்படும் ஆதாரமற்ற அறிக்கைகளைப் பின்பற்ற வேண்டாம். இது எந்த வகையிலும் விதிக்கப்படும் கூடுதல் வரி அல்ல. முன்பு, நாங்கள் இறக்குமதி புள்ளியில் SSCL வசூலிக்கவில்லை, மாறாக விற்பனை புள்ளியில் வசூலிக்கிறோம். ஒரு வாகனம் 100 மில்லியன் ரூபாய்க்கு இறக்குமதி செய்யப்படுகிறது என்று வைத்துக்கொள்வோம்.
வரி செலுத்துதல்
மதிப்பைச் சேர்த்த பிறகு, அது 200 மில்லியன் ரூபாய்க்கு விற்கப்படுகிறது. அது 200 மில்லியனுக்கு விற்கப்பட்டால், விற்பனையாளர் அந்தத் தொகையில் 2.5% சேர்த்து வரியை செலுத்த வேண்டும்.
ஆனால், பலர் இத்தகைய செலுத்தல்களை செய்யவில்லை. இந்த முறைகேடுகள் மற்றும் சிக்கல்கள் காரணமாகவே, நாங்கள் ஒரு புதிய உத்தியைக் கடைப்பிடித்துள்ளோம். விற்பனை செய்யும் இடத்தில் அந்த 2.5% வசூலிப்பதற்குப் பதிலாக, இறக்குமதி செய்யும் இடத்தில் சுங்கத்தில் இப்போது அதை வசூலிக்கிறோம். SSCL வசூல் புள்ளியில் ஏற்பட்ட மாற்றத்தால், வாகன விலைகள் உண்மையில் குறைய வேண்டும்.
இந்த மாற்றத்தை எதிர்ப்பவர்கள் வரி செலுத்தாமல் இருந்தவர்கள். அவர்கள் இப்போது எதிர்க்கும் வரியை செலுத்தியிருந்தால், அவர்கள் 200 மில்லியன் ரூபாய்க்கு - கூடுதல் மதிப்பில் - அதை செலுத்த வேண்டியிருக்கும்.
இப்போது, விற்பனை செய்யும் இடத்தில் SSCL செலுத்த வேண்டிய தேவையை நாங்கள் நீக்கியுள்ளோம். SSCL இப்போது இறக்குமதி செய்யும் இடத்தில் செலுத்தப்படுவதால், அது 100 மில்லியன் ரூபாய்க்கு பொருந்தும். அப்படியானால், வாகனத்தின் விலை உண்மையில் குறைய வேண்டும் என்றார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
நெடுந்தீவு மேற்கு 4ம் வட்டாரம், நல்லூர்
09 Feb, 2026
புங்குடுதீவு 6ம் வட்டாரம், புங்குடுதீவு 3ம் வட்டாரம், Southgate, United Kingdom
08 Mar, 2016
புங்குடுதீவு 3ம் வட்டாரம், Blackburn England, United Kingdom, Edinburgh, Scotland, United Kingdom
23 Jan, 2026
புங்குடுதீவு 12ம் வட்டாரம், முல்லைத்தீவு, Sarcelles, France
13 Feb, 2021
கொய்யாத்தோட்டம், யாழ்ப்பாணம், London, United Kingdom, Osterode am Harz, Germany
14 Feb, 2022
