லங்காசிறி FM
மற்றுமொரு வழக்கிலிருந்து வெடுக்குநாறிமலை ஆலய நிர்வாகம் விடுதலை
வவுனியா - வெடுக்குநாறி மலையில் ஏணிப்படி பொருத்தியமை தொடர்பாக நெடுங்கேணி பொலிஸாரால் தாக்கல் செய்யப்பட்டிருந்த வழக்கில் இருந்து ஆலய நிர்வாகத்தினர் நீதிமன்றால் விடுவிக்கப்பட்டுள்ளனர்.
குறித்த விடயம் தொடர்பான வழக்கு நேற்றையதினம் (25.05.2023) வவுனியா நீதிமன்றில் எடுத்து கொள்ளப்பட்டது.
இதன்போது குறித்த வழக்கை தொடர்ந்து நடாத்துவதற்கு போதிய சான்றுகள் இன்மையால் குறித்த வழக்கில் இருந்து ஆலயப்பூசகர் மற்றும் நிர்வாகத்தினர் விடுவிக்கப்பட்டனர்.
வழக்குதாக்கல்
குறித்த வழக்கில் ஆலயநிர்வாகம் சார்பாக முன்னிலையான சிரேஸ்ட சட்டத்தரணி அருள் ஊடகங்களுக்கு கருத்து தெரிவித்த போது, கடந்த 2019 ஆம் ஆண்டு ஆலயத்தில் மரத்திலான ஏணிப்படி ஒன்று வைக்கப்பட்டிருந்தது.
அதனை சீரமைத்து ஏணிப்படி ஒன்று அமைக்கப்பட்டமை தொடர்பாக வழக்குதாக்கல் செய்யப்பட்டிருந்தது.
குறித்த ஏணிப்படியை சீரமைத்தமைக்கான சான்றுகள் இல்லை என அரச சட்டவாதிகளால் இன்றையதினம் நீதிமன்றிற்கு தெரிவிக்கப்பட்டிருந்தது.
இதனையடுத்து குறித்த மூன்று பேரும் இன்று விடுவிக்கப்பட்டனர் என குறிப்பிட்டுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
