லங்காசிறி FM
வற் வரி விதிக்க அரசாங்கம் எடுத்துள்ள தீர்மானம்! பாதிக்கப்படும் தரப்பினர் தொடர்பில் வெளியான தகவல்
அரசாங்கத்தின் புதிய வற் வரி அதிகரிப்பின்போது விசேட தேவையுடையவர்கள் பயன்படுத்தும் உபகரணங்களுக்கும் வற் வரியை அறவிட அரசாங்கம் தீர்மானித்துள்ளதாக தெரிவிக்கப்படுகின்றது. அவ்வாறான எண்ணம் இருந்தால் அதனை நீக்கிக்கொள்ளுமாறு அரசாங்கத்திடம் கேட்டுக்கொள்கிறேன் என எதிர்க்கட்சித் தலைவர் சஜித் பிரேமதாச தெரிவித்துள்ளார்.
நாடாளுமன்றத்தில் நேற்றையதினம் இடம்பெற்ற செய்தியாளர் சந்திப்பின் போதே அவர் மேற்கண்டவாறு குறிப்பிட்டுள்ளார்.
தொடர்ந்தும் தெரிவிக்கையில்,
2012 ஆம் ஆண்டு முன்னெடுக்கப்பட்ட சனத்தொகை மற்றும் புள்ளிவிபரவியல் தரவுகளின் பிரகாரம், இந்நாட்டில் விசேட தேவையுடையவர்கள் மொத்த சனத்தொகையில் 8.7 வீதமாகும். அதாவது 16 இலட்சம் என அடையாளம் காணப்பட்டுள்ளனர்.
விசேட தேவையுடையவர்களுக்கு பாதிப்பு
பல வருடங்களாக விசேட தேவையுடையவர்கள் தொடர்பான கணக்கெடுப்பு நடத்தப்படாததால், இந்த எண்ணிக்கை இதை விட அதிகமாக இருக்கலாம் என்றபடியால், மேற்குறிப்பிட்ட சனத்தொகை கணக்கெடுப்புக்கு பயன்படுத்தப்பட்ட முறைமையினால் அதிகளவான நபர்கள் இதில் உள்வாங்கப்படவில்லை.
20003இல் விசேட தேவையுடையவர்கள் தொடர்பான தேசிய கொள்கை நடைமுறைப்படுத்தப்பட்டது. 2016ஆம் ஆண்டில் விசேட தேவையுடையவர்களின் உரிமைகள் பற்றிய ஐக்கிய நாடுகளின் பிரகடனத்திற்கு உடன்பட்டுள்ளது. எனவே இது தொடர்பான சட்ட விதிகளை உருவாக்குவதற்கான சட்டப்பூர்வ கடமை இருந்தாலும், இதற்கு அரசாங்கம் கூடிய பங்களிப்பை வழங்குவதை கண்டுகொள்ள முடியாதுள்ளது.
இத்தகைய விசேட தேவையுடையவர்கள் இருப்பது ஒட்டுமொத்த குடும்பத்தையும் பாதிப்பதால், இவ்வாறு பாதிக்கப்பட்ட குடும்ப அலகுகள் அதிகளவில் இருப்பதால், அரசாங்கத்தின் விசேட கவனம் செலுத்தப்பட வேண்டும்.
ரணசிங்க பிரேமதாச ஜனாதிபதியாக இருந்த காலத்திலும் சுற்றறிக்கையொன்றை வெளியிட்டு அரச பணிகளுக்கான ஆட்சேர்ப்பில் தகுதியின் அடிப்படையில் விசேட தேவையுடையவர்கள் சமூகத்தினருக்கு 3 வீத சலுகை வழங்கப்பட்டது. இன்று அது நடைமுறைப்படுத்தப்படவில்லை.
அதேநேரம் அரசாங்கத்தின் புதிய வற்வரி அதிகரிப்பின்போது இந்த விசேட தேவையுடையவர்கள் பயன்படுத்தும் உபகரணங்களுக்கும் வற் வரியை அறவிட அரசாங்கம் தீர்மானித்துள்ளதாக தெரிவிக்கப்படுகின்றது. அவ்வாறான எண்ணம் இருந்தால் அதனை நீக்கிக்கொள்ளுமாறு அரசாங்கத்திடம் கேட்டுக்கொள்கிறேன் என குறிப்பிட்டுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
உதயநிதியின் துணை முதலமைச்சர் பதவி குறித்த கேள்வி.., கோபத்தில் ரஜினிகாந்த் பேசியது என்ன? News Lankasri
ரஷ்யாவிற்கு எதிராக இந்திய ஆயுதங்களைப் பயன்படுத்தும் உக்ரைன்.! காரணமான இரு ஐரோப்பிய நாடுகள்... News Lankasri
சன் டிவியில் திடீரென முடிவுக்கு வரும் முக்கிய சீரியல்... கவலையில் ரசிகர்கள், எந்த தொடர் தெரியுமா? Cineulagam
பிரசவத்தின் போது வயிற்றில் துணிவைத்து தைத்த மருத்துவர்கள்! 3 மாதங்களுக்கு பிறகு நடந்தது என்ன? News Lankasri
வண்ணார்பண்ணை, திருநெல்வேலி, யாழ்ப்பாணம், கொழும்பு, Toronto, Canada, Montreal, Canada
19 Sep, 2024
கேகாலை, யாழ்ப்பாணம், Herning, Denmark, Toronto, Canada
19 Sep, 2023
யாழ்ப்பாணம், மானிப்பாய், தொல்புரம், London, United Kingdom
12 Sep, 2024
