உலக சுகாதார அமைப்பின் "கோவாக்ஸ்" வசதி மூலம் எஸ்ட்ரா செனெகா தடுப்பூசி கிடைக்கும் என எதிர்பார்ப்பு

Srilanka Covid vaccine World health organization

By Ajith Jun 17, 2021 08:26 AM GMT

Ajith

in இலங்கை

Report

உலக சுகாதார அமைப்பின் "கோவாக்ஸ்" வசதி மூலம் அடுத்த மாத ஆரம்பத்தில் இலங்கைக்கு மிகவும் தேவையான எஸ்ட்ரா செனெகா தடுப்பூசிகளில் 264,000 குப்பிகள் கிடைக்கும் என்று எதிர்பார்க்கப்படுகிறது.

உலக சுகாதார அமைப்பு ஏற்கனவே தமது அதிகாரபூர்வ கடிதத்தில் இலங்கையின் சுகாதார அமைச்சகத்திற்கு இதனை உறுதிப்படுத்தியுள்ளது.

அத்துடன் ஜூலை ஆரம்பத்தில் இலங்கைக்கு அந்த மருந்துகள் கிடைக்கும் என்று குறிப்பிடப்பட்டுள்ளது.

ஏற்கனவே 6 இலட்சம் பேர் முதல் அளவை பெற்றுள்ள நிலையில் அவர்களுக்கு இரண்டாம் அளவை செலுத்த வேண்டியுள்ளது.

இதன்படி இலங்கைக்குக் கிடைக்கவுள்ள 264,000 குப்பிகளுக்கு மேலதிகமாக 336,000 குப்பிகள் தேவைப்படுகின்றன.

ஏற்கனவே 1 மில்லியன் குப்பி ஃபைசர் தடுப்பூசிகளை இலங்கையின் அரச மருந்தாக்கல் கூட்டுத்தாபனம் கோரியுள்ளது.

அத்துடன் அதனை எஸ்ட்ரா செனேகாவுக்கு பதிலாகப் பயன்படுத்தக்கூடிய ஏதுநிலை குறித்து ஆராயப்படுகிறது.

இந்த கலவையைப் பரிந்துரைக்கும் சில முடிவுகள் இருப்பதாக உலக சுகாதார மையம் சமீபத்தில் கூறிய பின்னர், எஸ்ட்ரா செனெகா தடுப்பூசிகளை இரண்டாவது அளவாகப் பெற வேண்டிய வேண்டியவர்களுக்கு இது பயன்படுத்தப்படலாம் என்று எதிர்பார்க்கப்படுகிறது.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை