ஈரான் எண்ணெய் கப்பல்களை திருப்பிய அமெரிக்கா - ஹோர்முஸ் நீரிணையில் பதற்றம் அதிகரிப்பு

ஈரானை விட்டு வெளியேற முயன்ற இரண்டு எண்ணெய் கப்பல்களை அமெரிக்கப் போர்க்கப்பல் இடைமறித்து திருப்பி அனுப்பியுள்ளதாக தெரிவிக்கப்பட்டுள்ளது.

ஓமான் வளைகுடாவில் அமைந்துள்ள சாபஹார் துறைமுகத்திலிருந்து புறப்பட்ட அந்தக் கப்பல்களை, வானொலி தொடர்பு மூலம் அணுகிய அமெரிக்கப் போர்க்கப்பல், மீண்டும் திரும்புமாறு உத்தரவிட்டதாக ஒரு அமெரிக்க அதிகாரி தெரிவித்துள்ளார்.

கிளிநொச்சியில் ஆடு மேய்க்க சென்றவருக்கு காத்திருந்த அதிர்ச்சி - தீவிரப்படுத்தப்படும் விசாரணை

ட்ரம்ப்பின் நோக்கம்

உலகின் சுமார் 20% எண்ணெய் போக்குவரத்து நடைபெறும் முக்கியப் பாதையாக விளங்கும் ஹோர்முஸ் நீரிணையை ஈரான் மூடியிருப்பதை முடிவுக்கு கொண்டு வர அழுத்தம் கொடுப்பதே ட்ரம்பின் நோக்கமாகும்.

கடந்த பெப்ரவரி 28 அன்று அமெரிக்காவும் இஸ்ரேலும் தொடங்கிய மோதலை முடிவுக்குக் கொண்டுவரும் அமெரிக்க நிபந்தனைகளில், ஹோர்முஸ் நீரிணையைத் திறப்பதும் ஒன்றாகும். இதனை ஏற்கும்படி ஈரானை கட்டாயப்படுத்த இந்த முற்றுகை நடவடிக்கையை ட்ரம்ப் முன்னெடுத்திருந்தார்.

மேலும், அடுத்த வாரம் காலாவதியாகவுள்ள ஒரு வார கால போர்நிறுத்த ஒப்பந்த நிபந்தனைகளிலும் இதுவும் அடங்கும் என அவர் தெரிவித்துள்ளார். “இது எவ்வளவு பயனுள்ளதாக இருக்கும் என்பது இன்னும் தெளிவாக இல்லை. நாம் இன்னும் ஆரம்ப நிலையில்தான் இருக்கிறோம்,” என்று அவர் குறிப்பிட்டார்.

செவ்வாய்க்கிழமை வெளியிடப்பட்ட அமெரிக்க மத்திய கட்டளை மைய அறிக்கையில், “ஓமான் வளைகுடாவில் உள்ள ஈரானிய துறைமுகத்திற்குத் திரும்புமாறு வழங்கப்பட்ட உத்தரவை பின்பற்றிய ஆறு வர்த்தகக் கப்பல்களில், இந்த இரண்டு எண்ணெய் கப்பல்களும் அடங்கும்” என தெரிவிக்கப்பட்டுள்ளது.

வாஷிங்டன் நேரப்படி திங்கள்கிழமை காலை 10 மணிமுதல் (1400 GMT) இந்த முற்றுகை நடைமுறைப்பட்டது முதல் எந்தக் கப்பலும் அதை மீறிச் செல்லவில்லை என்றும் கூறப்பட்டுள்ளது.

ஹோர்முஸ் நீரிணையை திறக்கும் முயற்சி

இந்த நடவடிக்கையில் 10,000-க்கும் மேற்பட்ட அமெரிக்கப் படைகள், ஒரு டஜனுக்கும் மேற்பட்ட போர்க்கப்பல்கள் மற்றும் பல விமானங்கள் ஈடுபட்டுள்ளதாக அமெரிக்க இராணுவம் தெரிவித்துள்ளது.

இதேவேளை, ஈரானுடன் தொடர்பில்லாத கப்பல்களின் சுதந்திரப் போக்குவரத்தை பாதுகாக்கும் முயற்சியும் தொடரும் என அமெரிக்கா குறிப்பிட்டுள்ளது. போர்நிறுத்த பேச்சுவார்த்தைகள் தோல்வியடைந்ததைத் தொடர்ந்து இந்த முற்றுகையை ட்ரம்ப் அறிவித்தார்.

மேலும் பேச்சுவார்த்தைகள் நடைபெறும் என்ற நம்பிக்கையில் எண்ணெய் விலை ஒரு பீப்பாய்க்கு 100 டாலரைத் தாண்டிய பின்னர், செவ்வாய்க்கிழமை சற்று குறைந்துள்ளது. இந்த உத்தி வெற்றி பெற்றால், அமெரிக்காவுடனான பேச்சுவார்த்தைகளில் ஈரானின் முக்கிய பேரம்பேசும் ஆதிக்கம் குறையும் என்றும், உலக வர்த்தகத்திற்காக ஹோர்முஸ் நீரிணை மீண்டும் திறக்கப்படும் என்றும் எதிர்பார்க்கப்படுகிறது.

ஆனால், இத்தகைய முற்றுகை நீண்டகாலம் தொடர வேண்டிய சூழல் உருவாகும் பட்சத்தில், அது பெரிய அளவிலான இராணுவ ஈடுபாட்டைத் தேவைப்படுத்தும் என நிபுணர்கள் எச்சரிக்கின்றனர்.

மேலும், இது ஈரானிடமிருந்து புதிய பதிலடி நடவடிக்கைகளை தூண்டக்கூடும் என்றும், ஏற்கனவே பலவீனமாக உள்ள போர்நிறுத்தத்துக்கு மேலும் அழுத்தம் ஏற்படுத்தக்கூடும் என்றும் தெரிவிக்கப்படுகிறது.

யுரேனியக் கையிருப்பு

ஈரானின் அச்சுறுத்தல்களால் உலகளாவிய எண்ணெய் விலை சுமார் 50% உயர்ந்துள்ளதாகவும், இந்த மோதல்களில் இதுவரை சுமார் 5,000 பேர் உயிரிழந்துள்ளதாகவும் கூறப்படுகிறது. அமெரிக்காவின் ஆயிரக்கணக்கான தாக்குதல்கள் ஈரானின் இராணுவத்தை பலவீனப்படுத்தியுள்ளன.

இருப்பினும், அதிக செறிவூட்டப்பட்ட யுரேனியக் கையிருப்புகளுடன், தெஹ்ரான் இன்னும் ஒரு முக்கிய சவாலாகவே உள்ளது என ஆய்வாளர்கள் குறிப்பிடுகின்றனர்.

ஈரான், அமெரிக்கப் படைகளை தங்க வைக்கும் வளைகுடா நாடுகளை இலக்காகக் கொள்ளக்கூடும் என்றும், கடந்த காலத்தில் கப்பல்களைத் தாக்கிய அனுபவமும் உள்ளதால், பதிலடி வாய்ப்பு நிராகரிக்க முடியாது என நிபுணர்கள் எச்சரிக்கின்றனர்.  

நான்கு நாட்களில் மட்டும் பல கோடி ரூபா வருமானம்

தமிழீழ விடுதலைப் புலிகளின் கோடிக்கணக்கான பணம் சூறையாடல்! வெளியான திடுக்கிடும் தகவல்கள்

YOU MAY LIKE THIS VIDEO