லங்காசிறி FM
மத்திய கிழக்கில் அதிகரிக்கும் பதற்றம்! அமெரிக்காவிற்கு மற்றுமொரு சிக்கல்
அமெரிக்காவின் அரசியல் மற்றும் பொருளாதார அழுத்தம் அதிகரித்து வரும் சூழலில், கியூபா அரசு சுமார் 2,010 கைதிகளை "மனிதநேய அடிப்படையில்" விடுதலை செய்யவுள்ளதாக அறிவித்துள்ளது.
புனித வார (Holy Week) மதக் கொண்டாட்டங்களை முன்னிட்டு இந்த நடவடிக்கை எடுக்கப்படுவதாக அமெரிக்காவிலுள்ள கியூப தூதரகம் தெரிவித்துள்ளது.
நூற்றுக்கணக்கான அரசியல் கைதிகள் சிறை
விடுவிக்கப்படுபவர்களில் வெளிநாட்டுப் பிரஜைகள், இளைஞர்கள், பெண்கள் மற்றும் 60 வயதுக்கு மேற்பட்டவர்கள் அடங்குவர். அவர்களின் நன்னடத்தை மற்றும் உடல்நிலையை அடிப்படையாகக் கொண்டு இந்தத் தேர்வு நடத்தப்பட்டுள்ளது.
கியூபாவில் நூற்றுக்கணக்கான அரசியல் கைதிகள் சிறை வைக்கப்பட்டுள்ளதாக மனித உரிமைகள் அமைப்பு குற்றம் சாட்டி வரும் நிலையில், இந்த ஆண்டு கியூபா அறிவிக்கும் இரண்டாவது பெரிய கைதிகள் விடுதலை இதுவாகும்.
மறுபுறம், அமெரிக்க ஜனாதிபதி டொனால்ட் ட்ரம்ப் கியூபாவின் கம்யூனிஸ்ட் தலைமைக்கு எதிராகக் கடுமையான நிலைப்பாட்டை எடுத்துள்ளார்.
கடுமையான எரிபொருள் பற்றாக்குறை
கியூபாவிற்குச் செல்லும் எண்ணெய் விநியோகத்தை அமெரிக்கா தடுத்துள்ளதால், அந்த நாடு கடுமையான எரிபொருள் பற்றாக்குறை மற்றும் மின்தடையைச் சந்தித்து வருகிறது.
கியூப மருத்துவமனைகளில் அவசர சிகிச்சைப் பிரிவுகளைக் கூட நடத்த முடியாத நிலை ஏற்பட்டுள்ளதாக உலக சுகாதார நிறுவனம் எச்சரித்துள்ளது.
இந்த இக்கட்டான சூழலில், கியூப ஜனாதிபதி மிகுயெல் டயஸ்-கனெல் (Miguel Díaz-Canel) தலைமையிலான அரசு, அமெரிக்காவுடன் பேச்சுவார்த்தையில் ஈடுபட்டு வருகிறது
இதற்கிடையில், கியூபாவின் பொருளாதாரச் சரிவைத் தடுக்க ரஷ்யா தனது இரண்டாவது எண்ணெய் கப்பலை அனுப்பி உதவி வருவது குறிப்பிடத்தக்கது.
தேசியக்கொடி தமிழ் இன ஒடுக்குமுறையின் முதல் குறியீடு: ஜோதிலிங்கம் ஆதங்கம் 17 மணி நேரம் முன்
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
செம்பியன்பற்று, கொழும்பு, திருச்சி, India, London, United Kingdom
24 Mar, 2026
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026