லங்காசிறி FM
பிரித்தானியாவில் காணாமல் போன இலங்கை வீரர்களை கண்டுப்பிடித்த பொலிஸார்
Murali
in ஐக்கிய இராச்சியம்
பிரித்தானியாவில் நடைபெற்று வரும் பொதுநலவாய விளையாட்டுப் போட்டியில் இருந்து காணாமல் போன இலங்கை வீரர்களில் இருவர் கண்டுபிடிக்கப்பட்டுள்ளதாக அந்நாட்டு ஊடகம் ஒன்று செய்தி வெளியிட்டுள்ளது.
பர்மிங்காமில் மர்மமான முறையில் காணாமல் போன இலங்கையைச் சேர்ந்த இரண்டு விளையாட்டு வீரர்கள் தற்போது கண்டுபிடிக்கப்பட்டுள்ளதாக வெஸ்ட் மிட்லாண்ட்ஸ் பொலிஸார் உறுதிப்படுத்தியுள்ளனர் காணாமல் போனவர்களில் ஒருவரை இன்னும் காணவில்லை.
ஒரு மல்யுத்த வீரர், ஜூடோ நட்சத்திரம் மற்றும் ஜூடோ பயிற்சியாளர் திங்கட்கிழமை முதல் காணாமல் போயிருந்தனர். மூவரும் முன்னதாகவே தங்களது கடவுச்சீட்டை ஒப்படைத்ததால் இங்கிலாந்தை விட்டு வெளியேற முடியவில்லை.
அவர்கள் காணாமல் போனதை அடுத்து, பர்மிங்காமில் உள்ள இலங்கை அணியில் எஞ்சியிருந்த அனைத்து உறுப்பினர்களிடமிருந்தும் அதிகாரிகள் தற்போது ஆவணங்களை அகற்றியுள்ளனர். காணாமல் போனவர்களில் இரண்டு பேர் இப்போது கண்டுபிடிக்கப்பட்டுள்ளதாக வெஸ்ட் மிட்லாண்ட்ஸ் பொலிஸார் ஒரு அறிக்கையில் உறுதிப்படுத்தியுள்ளனர்.
30 வயதான பெண் ஒருவரும், 40 வயதான ஆண் ஒருவருமே கண்டுப்பிடிக்கப்பட்டுள்ளதாகவும், இவர்கள் கடந்த முதலாம் திகதி காணாமல் போனதாக புகார் முறைப்பாடு செய்யப்பட்டது. மூன்றாம் நபர் காணாமல் போனமை குறித்து ஆகஸ்ட் 4ம் திகதி முறைப்பாடு செய்யப்பட்டுள்ளது.
20 வயதான அந்த நபரை கண்டுபிடிக்க தொடர்ந்து விசாரணை நடைபெற்று வருவதாக தெரிவிக்கப்பட்டுள்ளது. இலங்கை அணியில் 161 விளையாட்டு வீரர்கள் மற்றும் பயிற்சி ஊழியர்கள் உள்ளனர், அவர்கள் ஒவ்வொருவருக்கும் விளையாட்டுகளுக்கு முன்னதாக அரசாங்கத்தால் நிலையான 180 நாள் விசாக்கள் வழங்கப்பட்டன.
இந்த சம்பவத்திற்குப் பிறகு அனைத்து விளையாட்டு வீரர்களும் அதிகாரிகளும் தங்கள் கடவுச்சீட்டை அதிகாரிகளிடம் சமர்ப்பிக்குமாறு நாங்கள் கேட்டுக் கொண்டோம். பொலிஸார் விசாரணை நடத்தி வருகின்றனர். மூவரும் இங்கிலாந்து எல்லையை கடக்க முடியாது.
நடந்திருப்பது உண்மையில் துரதிஷ்டவசமானது எனஇலங்கை அணியின் செய்தித் தொடர்பாளர் கோபிநாத் சிவராஜா தெரிவித்துள்ளார். மோசமான பொருளாதார நெருக்கடிக்கு மத்தியில் உள்ள இலங்கைக்கு திரும்புவதை தவிர்க்கும் முயற்சியில் மூவரும் காணாமல் போயிருக்கலாம் என நம்பப்படுகின்றது.
தற்போது இடம்பெற்று வரும் பொதுநலவாய விளையாட்டுப் போட்டியில் இலங்கை இதுவரை மூன்று பதக்கங்களை வென்றுள்ளமை குறிப்பிடத்தக்கது.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
