பாகிஸ்தான் கடற்படையின் மூன்று கப்பல்கள் கொழும்பு வருகை

Colombo Pakistan

By Aanadhi Jun 03, 2026 10:27 AM GMT

Aanadhi

in உலகம்

Report

பாகிஸ்தான் கடற்படையின் இரண்டு போர்க்கப்பல்களும் ஒரு நீர்மூழ்கிக் கப்பலும் கொழும்பு துறைமுகத்திற்கு வருகை தந்துள்ளன.

பாகிஸ்தான் கடற்படையின் 'பி.என்.எஸ் தைமூர் மற்றும் 'பி.என்.எஸ் அஸ்லத்' ஆகிய இரண்டு கப்பல்களும், 'பி.என்.எஸ்/எம் ஹங்கோர்' என்ற நீர்மூழ்கிக் கப்பலுமே அவ்வாறு வருகை தந்துள்ளன.

நல்லெண்ண வருகை அடிப்படையிலும், வழங்கல் மற்றும் சேவைத் தேவைகளைப் பூர்த்தி செய்வதற்காகவும் குறித்த கப்பல்கள் மற்றும் நீர்மூழ்கி கொழும்பு துறைமுகத்தை வந்தடைந்துள்ளதாக தெரிவிக்கப்பட்டுள்ளது.

இருதரப்பு பாதுகாப்பு உறவு

கடற்படை மரபுகளின்படி, கொழும்பு துறைமுகத்தில் கப்பல்களையும் நீர்மூழ்கிக் கப்பலையும் இலங்கை கடற்படை வரவேற்றது.

'பி.என்.எஸ் தைமூர்' (‘PNS Taimur’)கப்பலின் கட்டளை அதிகாரியாக கேப்டன் நியாமத் சயீத் கான், 'பி.என்.எஸ் அஸ்லத்' கப்பலின் கட்டளை அதிகாரியாக கேப்டன் நாதிர் மதீன் அஃப்ரிடி, 'பி.என்.எஸ்/எம் ஹங்கோர்' நீர்மூழ்கிக் கப்பலின் கட்டளை அதிகாரியாக கேப்டன் உசைர் ஃபாரூக் ஆகியோர் செயற்படுகின்றனர்.

பாகிஸ்தான் கடற்படையின் மூன்று கப்பல்கள் கொழும்பு வருகை | Two Pakistani Navy Ships Submarine Arrive Colombo

இந்தப் பயணத்தின் போது, கப்பல்கள் நீர்மூழ்கிக் கப்பலில் வருகை தந்துள்ள பாக்கிஸ்தானிய கடற்படைக் குழுவினர் இலங்கையில் உள்ள பல முக்கிய இடங்களைப் பார்வையிடவுள்ளதுடன், மேற்கு கடற்படைக் கட்டளைப் பகுதியின் கடற்பரப்பில் இலங்கை கடற்படைக் கப்பல்களுடன் PASSEX (Passing Exercise-கடந்து செல்லும் பயிற்சி)என்ற கடற்படைப் பயிற்சியிலும் ஈடுபட உள்ளனர்.

இந்தப் பயணம், இலங்கைக்கும் பாகிஸ்தானுக்கும் இடையே ஏற்கனவே நிலவிவரும் கடற்படை ஒத்துழைப்பையும் இருதரப்பு பாதுகாப்பு உறவுகளையும் மேலும் வலுப்படுத்த பங்களிக்கும் என எதிர்பார்க்கப்படுகிறது.