ஈரானுக்கு எதிரான இராணுவ நடவடிக்கை - மறுக்கும் ட்ரம்ப்

Donald Trump United States of America Middle East Iran-Israel War

By Rukshy Apr 20, 2026 10:12 PM GMT

Rukshy

in அமெரிக்கா

Report

ஈரானுக்கு எதிராக இராணுவ நடவடிக்கை எடுக்க இஸ்ரேல் தன்னைத் தூண்டியது என்ற குற்றச்சாட்டுகளை அமெரிக்க ஜனாதிபதி டொனால்ட் ட்ரம்ப் மறுத்துள்ளார்.

அமெரிக்க ஜனாதிபதி தனது 'ட்ரூத் சோஷியல்' கணக்கில் ஒரு சிறப்புப் பதிவில் இதைக் குறிப்பிட்டுள்ளார்.

வெனிசுவேலாவின் அரசியல் சூழ்நிலை

அமெரிக்க ஜனாதிபதியின் முடிவுகளில் இஸ்ரேலியப் பிரதமர் பெஞ்சமின் நெதன்யாகு செல்வாக்கு செலுத்தியதாக வலதுசாரி அரசியல் விமர்சகர்கள் மற்றும் ஊடக அறிக்கைகள் விமர்சித்த நிலையில், ட்ரம்ப் இந்த விளக்கத்தை அளித்துள்ளார்.

"இந்த போலிச் செய்திகளையும் கருத்துக்கணிப்புகளையும் நான் மிகுந்த வெறுப்புடன் பார்க்கிறேன். அவர்கள் சொல்வதில் 90% பொய்களும் புனையப்பட்ட கதைகளுமே ஆகும்.

2020 ஜனாதிபதி தேர்தலைப் போலவே, இந்தக் கருத்துக்கணிப்புகளும் ஊழல் நிறைந்தவை," என்று அவர் கூறியுள்ளார்.

இதற்கிடையில், ஈரான் அணு ஆயுதத்தைப் பெற ஒருபோதும் அனுமதிக்கப்படக்கூடாது என்று அமெரிக்க ஜனாதிபதி டொனால்ட் ட்ரம்ப் கூறியுள்ளார்.

வெனிசுவேலாவின் அரசியல் சூழ்நிலையைப் பற்றி ஊடகங்கள் பேச விரும்பவில்லை என்றாலும், ஈரானிலும் அதே ஆச்சரியமான முடிவுதான் ஏற்படும் என்று அவர் கூறியுள்ளார்.

மேலும், ஈரானில் ஆட்சி மாற்றம் ஏற்பட்டாலும், நாட்டின் புதிய தலைவர்கள் புத்திசாலித்தனமாகச் செயல்பட்டால், ஈரானுக்கு மிகவும் வளமான மற்றும் நல்ல எதிர்காலம் இருக்கும் என்றும் ட்ரம்ப் குறிப்பிட்டுள்ளார்.