லங்காசிறி FM
டரம்பின் சர்ச்சைக்குரிய புகைப்படப் பதிவு : எதிர்ப்பினால் உருவான நிலை
அதிகரித்து வரும் எதிர்ப்புகளை எதிர்கொண்ட நிலையில், அமெரிக்க ஜனாதிபதி டொனால்ட் ட்ரம்ப், தன்னை இயேசுவைப் போன்ற ஒருவராகச் சித்தரிக்கும் சர்ச்சைக்குரிய 'ட்ரூத் சோஷியல்' பதிவை நீக்கியதாகத் தெரிவிக்கப்பட்டுள்ளது.
மருத்துவமனைப் படுக்கையில் இருந்த ஒரு நோயாளிக்கு ட்ரம்ப் சிகிச்சை அளிப்பது போலக் காட்டிய, செயற்கை நுண்ணறிவால் உருவாக்கப்பட்ட அந்தப் புகைப்படம், ட்ரம்பின் தீவிர ஆதரவாளர்கள் சிலரை உள்ளடக்கிய அமெரிக்க அரசியல் களத்தின் இரு தரப்பினரிடமிருந்தும் கடுமையான எதிர்ப்பைத் தூண்டியது.
பல தரப்பினரிடமிருந்தும் விமர்சனங்கள்
ஈரானில் அமெரிக்க மற்றும் இஸ்ரேலிய இராணுவ நடவடிக்கைகளின் தீவிர விமர்சகரான போப் லியோ XIV-ஐ விமர்சித்து ட்ரம்ப் ஒரு நீண்ட செய்தியைப் பதிவிட்ட சில மணிநேரங்களுக்குப் பிறகு இந்தப் பதிவு வெளிவந்தது.
தற்போது நீக்கப்பட்ட அந்தப் படத்தில், வெள்ளை அங்கி அணிந்திருந்த ட்ரம்ப், நோய்வாய்ப்பட்ட ஒருவரின் நெற்றியில் ஒளிரும் கையை வைத்திருந்தார்.
இது, இயேசு நோயாளிகளைக் குணப்படுத்துவதைக் காட்டும் மத ஓவியங்களைப் போல இருப்பதாக விமர்சகர்கள் கூறினர்.
படங்களின் பின்னணியில் சுதந்திர தேவி சிலை, பறக்கும் ஒரு பெரிய அமெரிக்கக் கொடி, போர் விமானங்கள் மற்றும் ஒரு கழுகு ஆகியவற்றுடன் ஒரு செவிலியர், பிரார்த்தனை செய்யும் ஒரு பெண் மற்றும் சீருடை அணிந்த ஒரு சிப்பாய் போல் தோற்றமளித்தவரும் இடம்பெற்றிருந்தனர்.
ட்ரம்ப் மற்றும் அவரது நிர்வாகத்திற்கு நெருக்கமானவர்கள் எனக் கருதப்பட்டவர்கள் உட்பட, பல தரப்பினரிடமிருந்தும் அந்தப் புகைப்படம் குறித்த விமர்சனங்கள் உடனடியாக எழுந்தமை குறிப்பிடத்தக்கது.
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
