லங்காசிறி FM
துமிந்த சில்வா மீண்டும் தேசிய மருத்துவமனையில் அனுமதி
புதிய இணைப்பு
கொழும்பு (Colombo), வெலிக்கடை சிறைச்சாலையில் தடுத்து வைக்கப்பட்டிருந்த மரண தண்டனைக் கைதி துமிந்த சில்வா, இன்று காலை தேசிய மருத்துவமனையில் அனுமதிக்கப்பட்டுள்ளார்.
முன்னாள் நாடாளுமன்ற உறுப்பினரான துமிந்த சில்வா, பாரத லக்ஷ்மன் படுகொலை வழக்கில் மரண தண்டனை பெற்று, கோட்டாபயவின் ஜனாதிபதி பொதுமன்னிப்பின் கீழ் விடுதலை பெற்றிருந்தார்.
எனினும் கடந்த 2023ஆம் ஆண்டு உச்சநீதிமன்றத் தீர்ப்பின் பிரகாரம் மீண்டும் கைது செய்யப்பட்ட அவர், நீண்ட காலமாக சிறைச்சாலை மருத்துவமனையில் அனுமதிக்கப்பட்டிருந்தார்.
இந்நிலையில் சுகாதார அமைச்சினால் நியமிக்கப்பட்ட விசேட மருத்துவ நிபுணர்கள் பரிந்துரையின் பேரில் நேற்று மாலை அவர் சிறைச்சாலை மருத்துவமனையில் இருந்து வெலிக்கடை சிறைச்சாலைக்கு இடமாற்றம் செய்யப்பட்டார்.
இந்நிலையில் இன்று காலை அவருக்கு திடீர் சுகவீனம் ஏற்பட்ட நிலையில், உடனடியாக தேசிய மருத்துவமனையில் அனுமதிக்கப்பட்டு சிகிச்சை பெற்றுவருவதாக அறிவிக்கப்பட்டுள்ளது.
முதலாம் இணைப்பு
முன்னாள் நாடாளுமன்ற உறுப்பினர் துமிந்த சில்வா (Duminda Silva), சிறைச்சாலை மருத்துவமனையில் இருந்து வெலிக்கடை சிறைச்சாலைக்கு மாற்றப்பட்டுள்ளார்.
துமிந்த சில்வாவின் சுகவீனம் குறித்தும் ,அவருக்குத் தொடர்ந்தும் சிறைச்சாலை மருத்துவமனையில் சிகிச்சை அளிக்கப்பட வேண்டுமா என்பது குறித்தும் ஆராய்வதற்காக நியமிக்கப்பட்ட 18 பேர் கொண்ட விசேட மருத்துவ நிபுணர்களின் சிபாரிசுக்கு அமைய இந்த நடவடிக்கை மேற்கொள்ளப்பட்டுள்ளது.
மருத்துவ நிபுணர்கள் குழு சிபாரிசு
சிறைச்சாலை ஆணையாளர் நாயகம் எழுத்து மூலமாக முன்வைத்த கோரிக்கையின் பேரில் சுகாதார அமைச்சு மேற்கண்ட விசேட மருத்துவர் நிபுணர்கள் குழுவை நியமித்திருந்தது.
அதன் பிரகாரம் துமிந்த சில்வாவுக்கு சிறைச்சாலை மருத்துவமனையிலோ, வேறு மருத்துவமனைகளிலோ தொடர்ந்தும் சிகிச்சை வழங்கத் தேவையில்லை என்று மருத்துவ நிபுணர்கள் குழு சிபாரிசு செய்துள்ளது.
எனினும் எந்தவொரு சந்தர்ப்பத்திலாவது அவருக்கு சுகவீனக் குறைபாடு ஏற்படும் பட்சத்தில் உடனடியாக அவரை மருத்துவமனைக்கு அனுப்பி வைக்க நடவடிக்கை மேற்கொள்ளப்பட வேண்டும் என்றும் குறித்த நிபுணர் குழு சிபாரிசு செய்துள்ளது.
குறித்த நிபுணர் குழுவின் சிபாரிசுகளின் பிரகாரம் தற்போதைக்கு துமிந்த சில்வா, சிறைச்சாலை மருத்துவமனையில் இருந்து சாதாரண சிறைக்கூடத்துக்கு மாற்றப்பட்டுள்ளார்.
கதிரின் ஆட்டத்தை அடக்க வரும் குணசேகரன்.. செய்தி கேட்டதும் திணறிய காட்சி- இனி நடக்கப்போவது என்ன? Manithan
பிக் பாஸ் குரலுக்கு சொந்தக்காரர் இவர்தான்.. பைனல் முடிந்தபின் யாருடன் இருக்கிறார் பாருங்க! Cineulagam
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
புங்குடுதீவு 2ம் வட்டாரம், புங்குடுதீவு 5ம் வட்டாரம், பிரான்ஸ், France
20 Jan, 2011
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
