லங்காசிறி FM
பாடசாலை மாணவிக்கு நேர்ந்த சோகம்: விசாரணையில் அம்பலமான அதிர்ச்சி தகவல்
Dharu
in பாதுகாப்பு
தரம் 8 இல் கல்வி பயிலும் பாடசாலை மாணவி ஒருவரை தவறான செயற்பாட்டிற்கு உட்படுத்திய பேருந்து நடத்துனர் உள்ளிட்ட 5 பேர் கைது செய்யப்பட்டுள்ளதாக களுத்துறை வடக்கு பொலிஸார் தெரிவித்துள்ளனர்.
குறித்த மாணவி கடந்த இரண்டு ஆண்டுகளாக இவ்வாறு தவறான செயற்பாட்டிற்கு உட்படுத்தப்பட்டுள்ளதாக விசாரணையில் அம்பலமாகியுள்ளது.
களுத்துறை, ஹொரண ரெமுன பிரதேசத்தில் வசிக்கும் தனியார் பேருந்து நடத்துனர் ஒருவரும், தியகம பிரதேசத்தில் வசிக்கும் மூன்று பேரும், குறித்த மாணவியை வீடொன்றில் தடுத்து வைக்க ஆதரவளித்த ஒருவரும் கைது செய்யப்பட்டுள்ளதாக களுத்துறை வடக்கு பொலிஸார் தெரிவித்துள்ளனர்.
கைது செய்யப்பட்ட நடத்துனர்
கைது செய்யப்பட்டவர்களில் இருவர் திருமணமானவர்கள் எனவும் அவர்களில் ஒருவர் 60 வயதுக்கு மேற்பட்டவர் எனவும் பொலிஸார் கூறியுள்ளனர்.
இந்நிலையில் மேற்கொள்ளப்பட்ட விசாரணையில் மாணவி, நோய்வாய்ப்பட்ட பெற்றோர் மற்றும் மூத்த சகோதரருடன் வசித்து வருவதும், வீட்டின் வறுமை காரணமாக, பணம் மற்றும் பிற பொருட்களை கொடுத்து ஏமாற்றி, சுமார் இரண்டு ஆண்டுகளாக மாணவி இவ்வாறான செயற்பாட்டிற்கு உட்படுத்தப்பட்டுள்ளதாகவும் கூறப்படுகிறது.
கைது செய்யப்பட்ட தனியார் பேருந்து நடத்துனர் மாணவியை ஒரு மாதத்திற்கு முன்னர் ஹொரணை ரெமுன பிரதேசத்தில் உள்ள அவரது வீட்டிற்கு அழைத்துச் சென்று தடுத்து வைத்து அத்துமீறல் செயற்பாட்டில் ஈடுபட்டுள்ளதாகவும் கூறப்படுகிறது.
களுத்துறை வடக்கு பொலிஸார்
அதன்படி, களுத்துறை வடக்கு பொலிஸ் நிலையப் பொறுப்பதிகாரி தமித் ஜயதிலக, மகளிர் மற்றும் சிறுவர் விவகாரப் பிரிவின் பொலிஸ் உத்தியோகத்தர்கள் மேற்கொண்ட விசாரணையில், ஹொரணையில் உள்ள நடத்துனரின் வீட்டில் மாணவி கண்டுபிடிக்கப்பட்டுள்ளார்.
ரெமுன பிரதேசத்தில், மாணவியை ஏமாற்றி தடுத்து வைத்ததாக சந்தேகிக்கப்படும் நடத்துனர் பற்றிய தகவல் விசாரணைகளில் இருந்து தெரிய வந்துள்ளதாக களுத்துறை வடக்கு பொலிஸார் தெரிவித்தனர்.
அதன் பின்னர் மாணவியிடம் நடத்தப்பட்ட மேலதிக விசாரணையில் மாணவியை நடத்துனர் கடத்திச் செல்வதற்கு முன்னர் குறித்த மாணவி பல வருடங்களாக பல்வேறு நபர்களால் கடுமையான பாலியல் அத்துமீறல் மற்றும் தவறான செயற்பாட்டிற்கு உட்படுத்தப்பட்டமை தெரியவந்துள்ளது.
சம்பவம் தொடர்பில் சந்தேகத்தின் பேரில் மேலும் பலர் கைது செய்யப்பட உள்ளதாகவும் களுத்துறை வடக்கு பொலிஸார் தெரிவித்துள்ளனர்.
இதன்படி மாணவி தற்போது களுத்துறை நாகொட போதனா வைத்தியசாலையில் அனுமதிக்கப்பட்டுள்ளதுடன், சந்தேகநபர்கள் களுத்துறை நீதவான் நீதிமன்றில் முன்னிலைப்படுத்தப்படவுள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
அரியநேத்திரனை எம்.ஜி.ஆர் ஆக்கியது யார்? 3 நாட்கள் முன்
குப்பை தொட்டியில் கிடந்த லட்ச ரூபாய் மதிப்புள்ள தங்க செயின்.., தூய்மை பணியாளர் செய்த நெகிழ்ச்சி செயல் News Lankasri
புத்திசாலி என கேள்வி கேட்ட மனோஜை தூக்கி வீசிய நபர், பதறிய ரோஹினி.. சிறகடிக்க ஆசை சீரியலின் கலகலப்பான புரொமோ Cineulagam
Numerology : இந்த தேதியில் பிறந்த பெண்கள் லட்சுமி தேவிக்கு நெருக்கமானவர்களாம்.. அதிஷ்டம் கொட்டும் Manithan
இணுவில் கிழக்கு, ஜேர்மனி, Germany, Catford, United Kingdom
11 Sep, 2023
நல்லூர் தெற்கு, Sucy-en-Brie, France, Croydon, United Kingdom
20 Aug, 2024
நயினாதீவு 3ம் வட்டாரம், பருத்தித்துறை, அல்வாய் வடக்கு, சூரிச், Switzerland
10 Sep, 2021
