லங்காசிறி FM
யாழில் போலி புலனாய்வாளர்கள் (Photos)
யாழ்ப்பாணம் - காங்கேசன்துறை, மாங்கொல்லை பகுதியில் திருடர்களின் நடமாட்டம் அதிகளவில் காணப்படுவதாகவும் பொலிஸார் திருட்டுக்களைக் கட்டுப்படுத்த தவறி வருவதாகவும் அப்பகுதி மக்கள் குற்றம் சாட்டுகின்றனர்.
கடந்த 33 வருட காலமாக உயர் பாதுகாப்பு வலயமாகக் காணப்பட்ட மாங்கொல்லை பகுதியில் இருந்து கடந்த இரு மாதங்களுக்கு முன்னர் இராணுவத்தினர் வெளியேறி உள்ளனர்.
ஆனாலும் குறித்த பகுதி இராணுவத்தினரால் உத்தியோகப்பூர்வமாகக் கையளிக்கப்படவில்லை. அதனால் அந்தக் காணி உரிமையாளர்கள் அப்பகுதியில் குடியமர முடியாத நிலை காணப்படுகிறது.
இந்தநிலையில் அப்பகுதிக்குள் ஊடுருவும் இரும்பு திருடர்கள் வீடுகளில் உள்ள இரும்புகளைத் திருடிச் செல்கின்றனர்.
இரும்பு திருடர்கள்
இது குறித்து தெல்லிப்பழை பிரதேச செயலர், காங்கேசன்துறை பொலிஸார் உள்ளிட்ட தரப்பினருக்குப் பல தடவைகள் வீட்டு உரிமையாளர்கள் முறைப்பாடு செய்தும் திருட்டினை கட்டுப்படுத்த எவ்வித நடவடிக்கையும் எடுக்காத நிலையில், இரும்பு திருடர்கள் சுதந்திரமாக அப்பகுதிகளில் நடமாடித் திரிகின்றனர்.
பிரதேச செயலரிடம் முறையிட்டபோது, இராணுவத்தினர் உத்தியோகப்பூர்வமாக தம்மிடம் அப்பகுதியைக் கையளிக்காத நிலையில் தாம் எந்தவிதமான நடவடிக்கையும் எடுக்க முடியாது என முறைப்பாட்டாளர்களுக்கு தெரிவிக்கின்றார்.
பொலிஸாரிடம் முறையிட்டோருக்கு பொலிஸார் நடவடிக்கை எடுப்பதாகக் கூறிய போதிலும், அப்பகுதியில் கண்காணிப்புக்குச் சுற்றுக்காவல் பகுதியில் ஈடுபடும் பொலிஸ் உத்தியோகத்தர்கள் கண் முன்னால் இரும்பு திருடர்கள் திருட்டில் ஈடுபடுகின்றனர்.
திருடர்களை கட்டுப்படுத்த நடவடிக்கை
அது தொடர்பில் பொலிஸாரிடம் வினவியபோது , பழைய இரும்புகள் தானே அவர்கள் கொண்டு செல்லட்டும் என பதில் அளித்துள்ளனர்.
இவ்வாறாகப் பொறுப்பு வாய்ந்ததோர் திருட்டினை கட்டுப்படுத்த நடவடிக்கை எடுக்கத் தவறி வரும் நிலையில் தற்போது வீட்டின் பாகங்களை உடைத்து திருட்டில் ஈடுபடத் தொடங்கியுள்ளனர்.
இது தொடர்பில் தகவலறிந்து வீட்டு உரிமையாளர்கள் தமது காணிக்குள் வரும் போது, இரும்பு திருடர்கள் தம்மைப் புலனாய்வு பிரிவினர் என கூறி, காணி இன்னமும் இராணுவ கட்டுப்பாட்டினுள் தான் இருக்கிறது.
'இதற்குள் நீங்கள் வர கூடாது' என அச்சுறுத்தி அனுப்பி விட்டு, உரிமையாளர் கண்களுக்கு முன்னாலேயே வீடுகளை உடைத்து இரும்புகளைத் திருடிச் செல்கின்றனர்.
பிரதேச செயலரோ, இராணுவத்தினரோ, பொலிஸாரோ திருட்டுக்களைக் கட்டுப்படுத்த எவ்வித நடவடிக்கையும் எடுக்காது இருப்பதால், உரிமையாளர் கண்களுக்கு முன்னாலையே திருடர்கள் திருட்டில் ஈடுபட்டு வருகின்றனர்.
இது தொடர்பில் யாரிடம் இனி முறையிடுவது என தெரியாத நிலையில் தமது கண்களுக்கு முன்னால் தமது வீடுகளை உடைத்துத் திருடுபவர்களைக் கண்ணீர் மல்க உரிமையாளர்கள் பார்த்து மனம் நொந்து வருகின்றார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP இல் இணையுங்கள் JOIN NOW |
கிளீன் சிறீலங்கா : வலி நிவாரணி அரசியல் 4 நாட்கள் முன்
லொட்டரியில் ரூ.7.8 கோடி வென்ற ஊழியர்.., பணத்தை திருப்பி கொடுக்குமாறு கேட்டுக்கொண்ட நிறுவனம் News Lankasri
பிக் பாஸ் 8 டைட்டில் வின்னர்! கோப்பையுடன் பரிசு தொகையை வென்ற போட்டியாளர்.. உறுதியான தகவல் Cineulagam
இந்த திகதிகளில் பிறந்தவர்கள் புத்திகூர்மையால் ராஜ வாழ்க்கை வாழ்வார்கள்... யார் யார்ன்னு தெரியுமா? Manithan
உலக பொருளாதாரமே முடங்கும்.. ஆனாலும் ஒரு நற்செய்தி- பாபா கணிப்பால் கதிகலங்கி நிற்கும் மக்கள் Manithan
வடலியடைப்பு, சண்டிலிப்பாய், ஜேர்மனி, Germany, ஓமான், Oman, பிரித்தானியா, United Kingdom, கனடா, Canada
18 Jan, 2019
உரும்பிராய் கிழக்கு, யாழ் கோண்டாவில் கிழக்கு, Jaffna, Scarborough, Canada, Boston, United States
14 Jan, 2025
சாவகச்சேரி கல்வயல், மீசாலை, புளியம்பொக்கணை, உருத்திரபுரம், Markham, Canada
19 Jan, 2024
மாத்தளை, யாழ்ப்பாணம், மல்லாகம், கிளிநொச்சி, Bruchsal, Germany, London, United Kingdom
14 Jan, 2025
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
புங்குடுதீவு 12ம் வட்டாரம், புங்குடுதீவு 10ம் வட்டாரம், கொழும்பு
15 Jan, 2024
