எதிர்காலத்தில் நாட்டில் அரிசி தட்டுப்பாடு உருவாகலாமென எச்சரிக்கை

Sri Lanka Sri Lankan Peoples Rice

By Mayuri Mar 28, 2024 11:37 AM GMT

Mayuri

in சமூகம்

Report

எதிர்காலத்தில் நாட்டில் அரிசி தட்டுப்பாடு உருவாகலாம் என சிறிய மற்றும் நடுத்தர அரிசி தொழிற்சாலை உரிமையாளர்கள் எச்சரிக்கை விடுத்துள்ளனர்.

இது தொடர்பில் மேலும் தெரிவிக்கப்பட்டுள்ளதாவது,

எதிர்வரும் பண்டிகைக் காலத்தை முன்னிட்டு அரிசியின் விலையை அதிகரிப்பதற்கு பாரிய நெல் தொழிற்சாலை உரிமையாளர்கள் முயற்சித்து வருகின்றனர்.

இதன் காரணமாக எதிர்காலத்தில் நாட்டில் அரிசி தட்டுப்பாடு உருவாகலாம். இந்த நிலையில், ஒரு கிலோகிராம் அரிசிக்கு விதிக்கப்பட்டிருந்த 65 ரூபா விசேட வர்த்தக வரியும் நேற்று முதல் நடைமுறைக்கு வரும் வகையில் 1 ரூபாயாகக் குறைக்கப்பட்டுள்ளது.

எதிர்காலத்தில் நாட்டில் அரிசி தட்டுப்பாடு உருவாகலாமென எச்சரிக்கை | There May Be Shortage Of Rice In Future

உயர் பருவ நெல் அறுவடை

கடந்த சில மாதங்களுக்கு முன் ஆரம்பமாகிய உயர் பருவ நெல் அறுவடை, தற்போது இறுதிக்கட்டத்தை எட்டியுள்ளது. எனினும் பாரிய நெல் தொழிற்சாலை உரிமையாளர்கள் 90 தொடக்கம் 100 ரூபா வரையிலேயே ஒரு கிலோகிராம் நெல்லை கொள்வனவு செய்கின்றனர்.

அரசாங்கம் ஒரு கிலோகிராம் நெல்லுக்கு 135 ரூபாவாக விலை நிர்ணயம் செய்த போதிலும், விற்பனை செய்வதற்கு கையிருப்பில் நெல் இல்லை என விவசாயிகள் தெரிவிக்கின்றனர்.

இதேவேளை, அரிசியை பதுக்கி வைத்து எதிர்காலத்தில் நாட்டில் அரிசிக்கு செயற்கை தட்டுப்பாடு ஏற்படுத்த சதி முயற்சிகள் இடம்பெறுகின்றன என சுட்டிக்காட்டியுள்ளனர்.