முடிவு ஜனாதிபதி ரணில் கையில்-அழுத்தங்களை கொடுப்பதில்லை என மகிந்த முடிவு

By Steephen Dec 18, 2022 04:36 AM GMT

Steephen

in அரசியல்

Report

ஜனாதிபதி ரணில் விக்ரமசிங்கவுக்கும் முன்னாள் ஜனாதிபதி மகிந்த ராஜபக்சவுக்கும் இடையில் பேச்சுவார்த்தை ஒன்று நடந்துள்ளதாக அரசியல் தரப்புத் தகவல்கள் தெரிவிக்கின்றன.

இந்த பேச்சுவார்த்தையில் அரசாங்கம் மேற்கொள்ள உள்ள அமைச்சரவை மாற்றங்கள் குறித்து கவனம் செலுத்தப்பட்டுள்ளதாக கூறப்படுகிறது. இதன் போது யாருக்கு அமைச்சு பதவிகளை வழங்க வேண்டும் என ஜனாதிபதி, முன்னாள் ஜனாதிபதியிடம் வினவியுள்ளார்.

அமைச்சர்களை நியமிப்பதில் அழுத்தங்களை கொடுக்க மாட்டேன்

Mahinda Rajapaksa and Ranil-மகிந்த ராஜபக்ச மற்றும் ரணில் விக்ரமசிங்க

இதற்கு பதிலளித்துள்ள முன்னாள் ஜனாதிபதி மகிந்த ராஜபக்ச, “நான் ஜனாதிபதிகளுக்கு ஆலோசனை வழங்கும் ஆலோசகர் அல்ல. கோட்டாபய ஜனாதிபதியாக இருந்தார். அவர் அமைச்சர்களை நியமித்தார்.

இன்னாரை அமைச்சராக நியமிக்குமாறு நான் எந்த சந்தர்ப்பத்திலும் அழுத்தங்களை கொடுக்கவில்லை. அதேபோல் எந்த சந்தர்ப்பத்திலும் யாருக்கு அமைச்சு பதவிகளை வழங்க வேண்டும் என்று நான் உங்களுக்கும் எந்த அழுத்தங்களையும் கொடுக்க மாட்டேன்” என ஜனாதிபதி ரணில் விக்ரமசிங்கவிடம் தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை