லங்காசிறி FM
பிரித்தானியாவின் தற்போதைய கோவிட் நிலவரம்! - வெளியாகியுள்ள அறிவிப்பு
Murali
in ஐக்கிய இராச்சியம்
போல்டனில் உள்ள ஒரு தடுப்பூசித் மையத்தில் நீண்ட வரிசைகள் உருவாகியுள்ளன, இதனையடுத்து மக்களை மீள திரும்புமாறு கேட்டுக் கொள்ளப்பட்டதாக தெரிவிக்கப்பட்டுள்ளது.
பிரித்தானிய ஊடகங்கள் வெளியிட்டுள்ள செய்தியில் இந்த விடயம் தெரிவிக்கப்பட்டுள்ளது.
கோவிட் தொற்றின் இந்திய மாறுபாட்டால் மிகவும் பாதிக்கப்பட்டுள்ள இடங்களில் இந்த நகரமும் ஒன்றாகும். இதனால், போல்டனில் உள்ள 4,000 பேருக்கு நாள் முடிவதற்குள் தடுப்பூசி போட அதிகாரிகள் முயற்சித்து வருகின்றனர்.
போல்டனில் தடுப்பூசி திட்டத்திற்கு பொறுப்பான டாக்டர் ஹெலன் வால், மக்கள் தகுதி பெறுவார்களா என்பது ‘உறுதியாக தெரியவில்லை’ என்றாலும் கூட கலந்து கொள்ளுமாறு வலியுறுத்தியுள்ளார்.
பேஸ்புக் காணொளி ஒன்றின் ஊடாக பேசிய அவர் இவ்வாறு தெரிவித்துள்ளார். “நீங்கள் தகுதியுள்ளவரா என்று உங்களுக்குத் தெரியாவிட்டால், இன்று உங்களை இங்கே இறக்குங்கள், நாங்கள் உங்களுக்காக அதைப் பார்ப்போம்.’
இதற்கிடையில், போல்டன் உள்ளூராட்சி அமைச்சரவை உறுப்பினர் ஆண்டி மோர்கன், போல்டன் அஞ்சல் குறியீடுகளைக் கொண்டவர்களை தகுதியைப் பொருட்படுத்தாமல் திரும்புமாறு கேட்டுக்கொண்டார்.
இதேவேளை, புதிய கோவிட் திரிபு நாள் ஒன்றுக்கு 1000க்கும் மேற்பட்ட உயிரிழப்புகளை ஏற்படுத்தக்கூடும் என்று நிபுணர்கள் எச்சரித்ததை அடுத்து, கோவிட் கட்டுப்பாடுகளுக்காக பிரதமர் போரிஸ் ஜோன்சன் இராணுவத்தை களமிற்குவார் என தெரிவிக்கப்பட்டுள்ளது.
இதன்படி, சோதனைகளை ஒப்படைக்கவும், பரவலை மெதுவாக்கவும், மாறுபாட்டால் மோசமாக பாதிக்கப்பட்டுள்ள பகுதிகளின் வீதிகளில் இராணுவ வீரர்கள் நிறுத்தப்படுவார்கள் என தெரிவிக்கப்பட்டுள்ளது.
இதனிடையே, பிரித்தானியாவில் கோவிட்-19) தொற்றினால், கடந்த 24 மணித்தியாலத்தில் 2,027 பேர் பாதிக்கப்பட்டதோடு 7 பேர் உயிரிழந்துள்ளனர்.
உலகளவில் கொவிட்-19 தொற்றினால் அதிக பாதிப்பினை எதிர்கொண்டநாடாக விளங்கும் பிரித்தானியாவில், இதுவரை மொத்தமாக 4,448,851 பேர் பாதிக்கப்பட்டுள்ளனர். அத்துடன், 127,675 பேர் உயிரிழந்துள்ளனர்.
தற்போதுவரை வைரஸ் தொற்றினால் பாதிக்கப்பட்ட 45,674 பேர் அங்குள்ள மருத்துவமனைகளில் சிகிச்சை பெற்று வருகின்றனர். இதில் 129 பேரின் நிலை கவலைக்கிடமாக உள்ளது.
அத்துடன் இதுவரை வைரஸ் தொற்றிலிருந்து மொத்தமாக,4,275,502 பேர் பூரண குணமடைந்துள்ளனர்.
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
