தவெகவின் பிரம்மாண்ட வெற்றியின் பின்னணியில் யார்..! விஜயை வழிநடத்திய தனிநபர்

தமிழக சட்டமன்ற தேர்தல் முடிவுகள் நேற்றுமுன்தினம்(4) வெளியாகியுள்ளது.

தமிழக சட்டசபை தேர்தலில் த.வெ.க. 108 இடங்களிலும், தி.மு.க. கூட்டணி 73 இடங்களிலும், அ.தி.மு.க. கூட்டணி 53 இடங்களிலும் வெற்றி பெற்றுள்ளன.

பலரும் எதிர்ப்பார்க்காத வகையில் இதுவரை தமிழகத்தை ஆண்ட பரம்பரை கட்சிகளை பின் தள்ளி தமிழக வெற்றிக்கழகம் வெற்றிப்பெற்றுள்ளது.

தமிழக வெற்றிக்கழக தலைவர் விஜய் எந்த அரசியல் பின்னணியும் அரசியல் முன் அனுபவமும் இல்லாதவர்.

சினிமாவில் கொடிக்கட்டி பறந்த அவர் 2024இல் தனது அரசியல் பிரவேசத்தை அறிவித்தார். சினிமாவில் ரசிகர்களை கொண்டவர் என்பதற்காக மட்டும் அவருக்கு இந்த வாக்குகள் கிடைத்ததா என்ற கேள்வியெழுந்தது.

இந்திய அரசியல் களத்தையே அதிர வைத்திருக்கும் அதிசயத் தேர்தல்! தவெக தலைவர் விஜய் சற்றுமுன்னர் வெளியிட்ட பதிவு

தவெகவின் அரசியல் மூளை

ஆனால்,தமிழக வெற்றிக் கழகத்தின் (தவெக) தேர்தல் அதிரடிகளுக்குப் பின்னால் அரசியல் ஆலோசகர் ஜான் ஆரோக்கியசாமிஎன்ற பெயர் பிரதானமாக பேசப்படுகிறது.

2014ஆம் ஆண்டுக்குப் பிறகு, இந்திய அரசியலில் தேர்தல் வியூக நிறுவனங்கள் தவிர்க்க முடியாத சக்தியாக உருவெடுத்தன.

தமிழகத்தில் பிரசாந்த் கிஷோர், சுனில் கனுகோலு போன்ற முன்னணி வியூக வகுப்பாளர்கள் வரிசையில், தற்போது 'தமிழக வெற்றிக் கழகம்' மூலம் பெரும் கவனம் ஈர்த்திருப்பவர் ஜான் ஆரோக்கியசாமி ஆவார்.

இதுவரை திராவிடக் கட்சிகள் மட்டுமே கோலோச்சிய தமிழக அரசியலில், ஒரு புதிய கட்சி இவ்வளவு குறுகிய காலத்தில் எப்படி ஒரு வலுவான மாற்றாக உருவெடுத்தது என்ற கேள்விக்கு இவரின் பெயரே பேசப்படுகின்றது.

அரசியல் களத்தில் 'நிழல் மனிதராக'ச் செயல்படும் ஜான் ஆரோக்கியசாமி, ஏற்கனவே தேசிய அளவில் பல மாநிலத் தேர்தல்களில் பணியாற்றிய அனுபவம் கொண்டவர்.

தமிழகத்தில் விஜய்யின் பிம்பத்தை வெறும் "சினிமா சூப்பர் ஸ்டார்" என்பதில் இருந்து "மக்கள் தலைவன்" என்ற நிலைக்கு மாற்ற அவர் வகுத்த திட்டங்களே தவெக-வின் தற்போதைய எழுச்சிக்குக் காரணம் எனலாம்.

அதிமுகவுடன் தவெக கூட்டணியா..! அரசியல் வட்டாரத்தில் பரபரப்பை ஏற்படுத்தியுள்ள முடிவு

வகுத்த திட்டங்கள்

1. கள ஆய்வு மற்றும் தரவு மேலாண்மை (Data-Driven Strategy)

எந்தவொரு கட்சியும் செய்யும் வழக்கமான பிரச்சாரங்களுக்குப் பதிலாக, ஜான் ஆரோக்கியசாமி நவீன தரவு பகுப்பாய்வு முறையைப் பின்பற்றினார். தமிழகத்தின் 234 தொகுதிகளிலும் ரகசியமாகத் தனித்தனி ஆய்வுகள் நடத்தப்பட்டன.

எந்தெந்தப் பகுதிகளில் திமுக மற்றும் அதிமுக மீது மக்களுக்கு அதிருப்தி இருக்கிறது என்பதைத் துல்லியமாகக் கண்டறிந்து, அந்த இடங்களில் கூடுதல் கவனம் செலுத்தப்பட்டது. சாதி, மதம் கடந்த 'மாற்றம்' என்ற ஒற்றைப் புள்ளியில் இளைஞர்களை இணைத்தது இவரது முதல் வெற்றி.

2. 'கிங் மேக்கர்' பிம்பத்தை உருவாக்கிய விதம்

விஜய் அரசியலுக்கு வரும் முன்பே, அவரை ஒரு பொறுப்புள்ள குடிமகனாகக் காட்டும் பணிகளை ஜான் ஆரோக்கியசாமி தொடங்கினார்.

கல்வி விருது வழங்கும் விழா: ஏழை மாணவர்களுக்கு உதவி செய்வது மற்றும் அம்பேத்கர், பெரியார், காமராஜர் போன்ற தலைவர்களைப் பற்றிப் பேச வைத்தது விஜய்யின் முதிர்ச்சியை வெளிப்படுத்தியது.

கட்சி மாநாடு: விக்கிரவாண்டி மாநாட்டில் விஜய் ஆற்றிய உரை, அதில் அவர் முன்வைத்த கொள்கை விளக்கம் ஆகியவை மிக நேர்த்தியாகத் திட்டமிடப்பட்டவை.

எந்த இடத்திலும் தடுமாறாமல், எதிரிகளுக்குப் பதிலடி கொடுக்கும் வகையில் அந்த உரையை வடிவமைத்ததில் ஜானின் பங்கு முக்கியமானது.

தமிழகத்தின் மாற்றுத்திறனாளி எம்எல்ஏ தமிழக வெற்றிக்கழகத்தில்..! வரலாற்றில் முதன்முறை

3. சமூக ஊடகப் போர் (Social Media War)

தவெக-வின் ஐடி விங் (IT Wing) முன்னெப்போதும் இல்லாத வகையில் வலுப்படுத்தப்பட்டது. கட்சியின் சின்னம், கொடி மற்றும் கொள்கைகள் மிக வேகமாக மக்களிடம் கொண்டு செல்லப்பட்டன.

குறிப்பாக, ஆளுங்கட்சியின் குறைகளை ஆதாரங்களுடன் டிஜிட்டல் தளங்களில் பரப்பி, நடுநிலை வாக்காளர்களின் கவனத்தை ஈர்க்கும் நுட்பத்தைப் பயன்படுத்தினார். "

புதிய அரசியல், தூய்மையான அரசியல்" என்ற முழக்கம் இளைய தலைமுறை வாக்காளர்களைக் கவர்ந்தது.

4. வேட்பாளர் தேர்வு மற்றும் ரகசியக் கூட்டணிகள்

ஜான் ஆரோக்கியசாமி வேட்பாளர் தேர்வில் மிகக் கடுமையான விதிமுறைகளைப் பின்பற்றினார்.

அதிகக் குற்றப்பின்னணி இல்லாத, மக்களிடம் செல்வாக்குள்ள முகங்களைத் தேர்ந்தெடுத்தார்.

மேலும், தொகுதியில் நிலவும் ஜாதி ரீதியான வாக்கு வங்கிகளை முறையாகக் கணக்கிட்டு, சமூக நீதி அடிப்படையில் வேட்பாளர்களைப் பிரித்து நிறுத்தியது தவெக-வின் வாக்கு சதவீதத்தை உயர்த்தியது.

5. பண பலத்தை எதிர்கொண்ட விதம்

பாரம்பரியக் கட்சிகள் பணத்தை மட்டுமே நம்பி தேர்தல் நடத்தும் நிலையில், ஜான் ஆரோக்கியசாமி "தொண்டர்களே பலம்" என்ற கொள்கையை முன்னெடுத்தார்.

பூத் வாரியாகத் தொண்டர்களை ஒருங்கிணைத்து, அவர்களை ஒரு ராணுவக் கட்டுப்பாட்டுடன் செயல்பட வைத்தது களப்பணியில் மிகப்பெரிய மாற்றத்தை ஏற்படுத்தியது. ஓட்டுக்குக் காசு என்ற பிம்பத்தை உடைத்து, "மாற்றத்திற்காக ஓட்டு" என்ற விழிப்புணர்வை அடித்தட்டு மக்களிடம் கொண்டு சென்றார்.

6.நுணுக்கமான அரசியல் கணக்கு

ஜான் ஆரோக்கியசாமியின் வியூகம் என்பது வெறும் விளம்பரம் சார்ந்தது மட்டுமல்ல; அது நுணுக்கமான அரசியல் கணக்குகளைக் கொண்டது.

விஜய்யின் மக்கள் செல்வாக்கை ஒரு வாக்காக மாற்றுவதற்கான தொழில்நுட்பப் பாதையை அவர் அமைத்துக் கொடுத்தார்.

தமிழக அரசியலில் நீண்ட காலமாக இருந்த 'இரு கட்சி முறைக்கு' முற்றுப்புள்ளி வைத்து, ஒரு புதிய சக்தியை முன்னிறுத்தியதில் ஜான் ஆரோக்கியசாமியின் 'சைலண்ட்' வியூகமே பெரும் பங்கு வகிக்கிறது.

அசைக்க முடியாத நம்பிக்கை

2016இல் அன்புமணி ராமதாஸுக்கு "மாற்றம் முன்னேற்றம் அன்புமணி" என்ற வியூகம், சீமானின் "எளிய மக்களின் புரட்சி" எனப் பல்வேறு அரசியல் களங்களில் ஆலோசகராகப் பணியாற்றிய அனுபவம் கொண்டவர் ஜான் ஆரோக்கியசாமி.

மும்பையில் தாக்கரே, கர்நாடகாவில் சித்தராமையா, டெல்லியில் அரவிந்த் கெஜ்ரிவால் என ஜான் ஆரோக்கியசாமியின் தொடர்புகள் இந்தியா முழுவதும் பரந்துவிரிந்துள்ளன.

பொதுவாக, மற்ற கட்சிகளில் வியூக அமைப்பாளர்கள் வெறும் தேர்தல் கால ஆலோசகர்களாக மட்டுமே செயல்படுவார்கள். ஆனால், தமிழக வெற்றிக் கழகத்தில் ஜானின் பங்கு மிக விரிவானது.

ஒரு கட்சி எப்படி உருவாக வேண்டும் என்பது தொடங்கி, உட்கட்சி விதிகள், அன்றாடச் செயல்பாடுகள் வரை அனைத்தையும் தீர்மானிக்கும் 'ஒற்றை அதிகார மையமாக' இவர் விளங்குவதாகக் கூறுகின்றனர்.

விஜய்யின் அரசியல் நகர்வுகளில் மிக முக்கியமானதாகக் கருதப்படும் "திமுக கொள்கை எதிரி, பாஜக அரசியல் எதிரி" என்ற முழக்கத்தையும், "திமுக ஒரு தீய சக்தி" என்ற பார்வையையும் இன்றைய தலைமுறைக்கு ஏற்பக் கொண்டு சேர்த்ததும் ஜானின் திட்டங்களே என்கின்றனர்.

"எதுவாக இருந்தாலும் ஜானிடம் பேசுங்கள்; அவர் முடிவே இறுதியானது" எனத் தனது நிர்வாகிகளிடம் கூறும் அளவிற்கு ஜான் ஆரோக்கியசாமி மீது விஜய் அசைக்க முடியாத நம்பிக்கை வைத்துள்ளார் என கூறுகின்றனர்.