லங்காசிறி FM
ஜனாதிபதியுடனான சந்திப்புக்களை தமிழ் கட்சிகள் சரிவர பயன்படுத்த வேண்டும் : இராஜாங்க அமைச்சர் சுரேன் ராகவன்
தமிழ் கட்சிகள் ஜனாதிபதியுடனான சந்திப்புக்களை பயனுள்ள விதத்தில் பயன்படுத்திக் கொள்ள வேண்டும் என உயர்கல்வி இராஜாங்க அமைச்சர் சுரேன் ராகவன் தெரிவித்தார்.
நேற்று வியாழக்கிழமை (21.12.2023) ஜனாதிபதி ரணில் விக்ரமசிங்கவிற்கும் தமிழ் கட்சிகளுக்கும் இடையிலான சந்திப்பின் பின் தொடர்பு கொண்டு வினவிய போதே அவர் இவ்வாறு பதிலளித்தார்.
தமிழ் கட்சிகளின் சந்திப்புக்கள்
மேலும் தெரிவிக்கையில்,
ஜனாதிபதியுடன் தமிழ் கட்சிகள் மூன்றுக்கும் மேற்பட்ட சந்திப்புகளை மேற்கொண்டுள்ளன.
இச் சந்திப்புகளின் ஊடாக பல விடயங்களுக்கு தீர்வுகளை பெற்றுக் கொள்ளக் கூடியதாக இருந்தது.
வடக்கு கிழக்கு தொடர்பான பிரச்சினைகள்
குறிப்பாக நேற்றைய சந்திப்பில் வலி வடக்கு காணிகளை விடுவிப்பது, மாகாண சபைகளில் நேரடி நிதிகளைப் பெறும் தொகையினை அதிகரிப்பது மற்றும் காங்கேசன் துறைமுக அபிவிருத்தி தொடர்பான விடயங்களில் கரிசனை காட்டுவதாக ஜனாதிபதி குறிப்பிட்டார்.
அத்துடன், யாழ்ப்பாண சர்வதேச விமான நிலைய அபிவிருத்தி தொடர்பில் மேற்கொள்ள வேண்டிய நடவடிக்கைகள் தொடர்பிலும் கிளிநொச்சி நவீன நகராக்கத் திட்டம் குறித்தும் ஆராய்வதற்கு ஜனாதிபதி என்னை நியமித்துள்ளார்.
மேலும், காணாமல் ஆக்கப்பட்டோர் விவகாரம் தொடர்பாக ஆராயப்பட்ட நிலையில் குறித்த விடயங்களை கையாள்வதற்கு விசேட நீதிபதிகளை உள்ளடக்கிய விசேட நீதிமன்றம் ஒன்றை நடைமுறைப்படுத்துவதாக தெரிவித்தார்.
அதுமட்டுமல்லாது மாகாண சபை அனுமதியுடன் உயர்கல்வி நிறுவனங்களை ஆரம்பித்து குறிப்பிட்ட காலத்தின் பின் அவற்றை பல்கலைக்கழகமாக மாற்றுவதற்கான நடவடிக்கைகள் மேற்கொள்ளப்படும் எனவும் அமைச்சர் சுரேன் ராகவன் குறிப்பிட்டார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
