லங்காசிறி FM
டி20 உலகக்கோப்பை 2026 - பாகிஸ்தானை வீழ்த்தி இங்கிலாந்து அணி வெற்றி
Shadhu Shanker
in விளையாட்டு
சூப்பர் 8 சுற்றுப் போட்டியில் இங்கிலாந்து அணிக்கெதிரான போட்டியில் பாகிஸ்தான் அணி தோல்வியடைந்துள்ளது.
டி20 உலகக் கோப்பை தொடர் இந்தியா மற்றும் இலங்கையில் நடைபெற்று வருகின்றது.
பாகிஸ்தான் அணி
இந்தத் தொடரின் க்ரூப் சுற்று போட்டிகள் நிறைவடைந்த நிலையில், தற்போது சூப்பர் 8 சுற்று போட்டிகள் நடைபெற்று வருகின்றன.
இதில் இன்று(24 )நடைபெற்ற சூப்பர் 8 சுற்றுப் போட்டியில் இங்கிலாந்து மற்றும் பாகிஸ்தான் அணிகள் மோதின.
இந்தப் போட்டியில் நாணயசுழற்சியில் வென்ற பாகிஸ்தான் அணி துடுப்பாட்டத்தை தேர்வு செய்தது.
சூப்பர் 8 சுற்றின் க்ரூப் 2 பிரிவில் இடம்பெற்றுள்ள பாகிஸ்தான் மற்றும் இங்கிலாந்து அணிகள் முறையே 2 மற்றும் 1 புள்ளிகளை பெற்றிருந்தன.
அதற்கமைய முதலில் களமிறங்கிய பாகிஸ்தான் அணி 20 ஓவர்கள் நிறைவில் 9 விக்கெட்டுக்களை இழந்து 164 ஓட்டங்களை பெற்றது.
பாகிஸ்தான் அணி சார்பில் சாஹிப்சாதா ஃபர்ஹான் 63 ஓட்டங்களையும், ஃபகார் ஷமான் 25 ஓட்டங்களையும் பாபர் அசாம் 25 ஓட்டங்களையும் அதிகபட்சமாக பெற்றனர்.
இங்கிலாந்து சார்பில் லியாம் டேசன் 3 விக்கெட்டுக்களையும், ஜேமி ஓவர்டன் 2 விக்கெட்டுக்களையும், ஜோப்ரா ஆர்ச்சர் 2 விக்கெட்டுகளையும் வீழ்த்தினர்.
இங்கிலாந்து அணி
அதனை தொடர்ந்து 165 ஓட்டங்கள் எடுத்தால் வெற்றி என்ற இலக்கை நோக்கி களமிறங்கிய இங்கிலாந்து அணி 19.1 ஓவர்கள் நிறைவில் 8 விக்கெட்டுக்களை இழந்து 166 ஓட்டங்களை பெற்று வெற்றிப்பெற்றது.
ஆரம்ப துடுப்பாட்ட வீரர்கள் ஆட்டமிழக்க ஹேரி ப்ரூக் அபாரமாக ஆடி 51 பந்துகளில் 100 ஓட்டங்களை பெற்று சதம் கடந்தார்.
சேம் கரண் 16 மற்றும் வில் ஜேக்ஸ் 28 ஓட்டங்களை பெற்றனர், மற்ற அனைவரும் சொற்ப ஓட்டங்களுக்கு ஆட்டமிழந்தனர்.
பாகிஸ்தான் சார்பில் சஹீன் சா அப்ரிடி 4 விக்கெட்டுக்களையும், மொஹமட் நவாஸ் 2 விக்கெட்டுக்களையும், உஸ்தான் தாரிக் 2 விக்கெட்டுக்களையும், வீழ்த்தினர்.
இதனால் பாகிஸ்தான் அணி இன்றைய போட்டியில் தோல்வியடைந்ததால் அரையிறுதி சுற்றுக்கான வாய்ப்பை இழந்துள்ளது. இங்கிலாந்து அணி அரையிறுதி சுற்றுக்கான வாய்ப்பை பெற்றுள்ளது.
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
புங்குடுதீவு 3ம் வட்டாரம், கோண்டாவில் கிழக்கு, Toronto, Canada
23 Feb, 2025
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
