யூடியூபர் சுதத்த திலகசிறிக்கு எதிரான நீதிமன்ற அவமதிப்பு வழக்கில் சமரசம்

Youtube Manusha Nanayakkara Law and Order Court of Appeal of Sri Lanka

By Aanadhi Jan 28, 2025 03:00 PM GMT

Aanadhi

Report

யூடியூபர் சுதத்த திலகசிறிக்கு எதிரான நீதிமன்ற அவமதிப்பு வழக்கை சமரசமாக முடித்துக் கொள்ள உத்தேசித்திருப்பதாக நீதிமன்றத்திற்கு அறிவிக்கப்பட்டுள்ளது.

வெளிநாட்டு வேலைவாய்ப்பு மோசடி தொடர்பான விவகாரம் தொடர்பில் முன்னாள் அமைச்சர் மனுஷ நாணயக்கார குறித்து யூடியூபர் சுதத்த திலகசிறி தெரிவித்த கருத்துக்கள் நீதிமன்றத்தை அவமதிக்கும் வகையில் உள்ளதாக மனுஷ நாணயக்கார(Manusha Nanayakkara) தரப்பில் முறைப்பாடு செய்யப்பட்டிருந்தது.

நீதிமன்ற அவமதிப்பு வழக்கு

குறித்த வழக்கு இன்றையதினம்(28) மேன்முறையீட்டு நீதிமன்ற தலைமை நீதிபதி பந்துல கருணாரத்ன மற்றும் கே.எம்.எம். திசாநாயக்க ஆகிய நீதியரசர்களின் முன்னிலையில் விசாரணைக்கு எடுத்துக் கொள்ளப்பட்டுள்ளது.

யூடியூபர் சுதத்த திலகசிறிக்கு எதிரான நீதிமன்ற அவமதிப்பு வழக்கில் சமரசம் | Sutha Thilakasiri Contempt Case Settled

இதன்போது, சுதத்த திலகசிறி தரப்பில் இருந்து குறித்த வழக்கை சமரசமாக முடித்துக் கொள்வது தொடர்பில் விண்ணப்பம் ஒன்று முன்வைக்கப்பட்டுள்ளதாக மனுஷ நாணயக்காரவின் வழக்கறிஞர் ஜனாதிபதி சட்டத்தரணி நெவில் அபேரத்ன நீதிமன்றத்தின் கவனத்துக்குக் கொண்டு வந்தார்.

அதனை கவனத்திற் கொண்ட நீதிமன்றம், மேலதிக விபரங்களை மீண்டும் நீதிமன்றத்துக்கு அறியத் தருமாறு உத்தரவிட்டு, எதிர்வரும் பெப்ரவரி 07ஆம் திகதி வரை வழக்கு விசாரணைகளை ஒத்திவைத்து உத்தரவிட்டுள்ளது.