அறிவிக்கப்பட்டுள்ள அமெரிக்க - ஈரான் போர்நிறுத்தம்! இதுவரையில் மௌனம் காக்கும் இஸ்ரேல்

அமெரிக்காவும் ஈரானும் அறிவித்த போர் நிறுத்தத்திற்கு இஸ்ரேல் தரப்பிலிருந்து இதுவரை அதிகாரப்பூர்வமான பதில் எதுவும் வரவில்லை என சர்வதேச ஊடகங்கள் செய்தி வெளியிட்டுள்ளன.

டொனால்ட் ட்ரம்பின் முடிவெடுக்கும் செயல்பாடுகளில் இஸ்ரேலியப் பிரதமர் பெஞ்சமின் நெதன்யாகு எந்த அளவிற்குப் பங்கேற்றார் என்பது தெளிவாகத் தெரியவில்லை எனவும் குறிப்பிடப்பட்டுள்ளது.

ஈரான் போரில் ட்ரம்புக்கு செக்! ஈரானை அழிக்க திரைமறைவில் பெரும் சதி

அயதுல்லா ஆட்சி

அமெரிக்காவுக்கும் ஈரானுக்கும் இடையில் பேச்சுவார்த்தை நடத்தி வரும் பாகிஸ்தான் பிரதமர் ஷெபாஸ் ஷெரீப், இஸ்ரேல் தரைப்படையை நிலைநிறுத்தியுள்ள லெபனான் நாட்டிலும் இந்த போர் நிறுத்தம் அடங்கும் என்று கூறியுள்ளார்.

எனினும், ஹிஸ்புல்லாவின் அச்சுறுத்தல் நீக்கப்படும் வரை லெபனானை விட்டு வெளியேற மாட்டோம் என்று இஸ்ரேலியத் தலைமை கூறி வருகிறது. லெபனானிலோ அல்லது வேறு இடங்களிலோ தனது நடவடிக்கைகளை நிறுத்த இஸ்ரேல் ஒப்புக்கொண்டதாக எந்த அறிகுறியும் இல்லை.

அமெரிக்காவும் ஈரானும் பெற்ற வெற்றியைப் போல நெதன்யாகுவால் பெற முடியும் என்பது சாத்தியமில்லை.

பெப்ரவரி 28 அன்று போரை அறிவித்த உரையில் அவர், "ஈரானில் உள்ள அயதுல்லா ஆட்சியின் அச்சுறுத்தலுக்கு முற்றுப்புள்ளி வைப்பதே இந்த நடவடிக்கையின் நோக்கம் என்றும்,தேவைப்படும் வரை இந்த நடவடிக்கை தொடரும்" என்றும் குறிப்பிட்டிருந்தார்.

போர்நிறுத்த ஒப்பந்தத்தை உறுதிப்படுத்தும் ஈரானின் அறிக்கை! பகிர்ந்துள்ள ட்ரம்ப்

இஸ்ரேலிய பாதுகாப்புப் படைகள்

தற்போதைய நிலவரப்படி, ஈரானிய இராணுவம் இன்னமும் அச்சுறுத்தலை ஏற்படுத்தும் நிலையில் உள்ளது, மேலும் அரசாங்கமும் வலுவாக நிலை கொண்டுள்ளது. போர்நிறுத்தத்தின் பின்னரும் ஜெருசலேமில் ஏவுகணை எச்சரிக்கைகளும் வெடிச்சத்தங்களும் கேட்டன.

ஈரானிலிருந்து பல ஏவுகணைகள் ஏவப்பட்டதாக இஸ்ரேலிய பாதுகாப்புப் படைகள் தெரிவித்துள்ளன. ட்ரம்ப் இன்று குறிப்பிட்ட "ஈரானின் 10 அம்ச முன்மொழிவின்" அடிப்படையில் போர் முடிவுக்கு வந்தால், அது தெஹ்ரானுக்கு ஒரு மூலோபாய வெற்றியாகப் பரவலாகக் கருதப்படும்.

நெதன்யாகுவின் அமைச்சரவையில் உள்ள தீவிர வலதுசாரி உறுப்பினர்கள், எந்தவொரு போர் நிறுத்த ஒப்பந்தத்தையோ அல்லது போர் முடிவையோ நிராகரிக்க வாய்ப்புள்ளதாக கூறப்படுகின்றது.

போர் நிறுத்தத்தை தொடர்ந்து எண்ணெய் விலையில் ஏற்பட்ட உடனடி மாற்றம்