லங்காசிறி FM
கொழும்பு இடையே விமான சேவைகள் அதிகரிப்பு
அதிகரித்து வரும் பயணிகளின் தேவையைக் கருத்திற்கொண்டு, கொழும்பு மற்றும் மெல்போர்ன் இடையிலான வாராந்த விமான சேவைகளை 10 ஆக அதிகரிக்க ஸ்ரீலங்கன் ஏர்லைன்ஸ் (SriLankan Airlines) தீர்மானித்துள்ளது.
இந்த புதிய நடைமுறை வரும் ஆகஸ்ட் 2-ம் திகதி முதல் அமலுக்கு வரவுள்ளது. அவுஸ்திரேலியாவிலிருந்து இலங்கைக்கு வருகை தரும் சுற்றுலாப் பயணிகளின் எண்ணிக்கை அண்மைக் காலமாக வேகமாக அதிகரித்து வருகிறது.
குறிப்பாக, சுற்றுலாப் பயணிகள் மற்றும் உறவினர்களைப் பார்க்கச் செல்வோர் காரணமாக இந்த தேவை ஏற்பட்டுள்ளது. இதனை நிறைவு செய்யும் நோக்கில் இந்த விரிவாக்கம் செய்யப்பட்டுள்ளது.
தற்போது தினசரி இயக்கப்படும் UL604/605 விமானங்களுடன் கூடுதலாக, செவ்வாய், வியாழன் மற்றும் ஞாயிறு ஆகிய கிழமைகளில் மூன்று புதிய சேவைகள் இணைக்கப்பட்டுள்ளன.
கொழும்பிலிருந்து (மேலதிக விமானங்கள்): பிற்பகல் 2.10 மணிக்குப் புறப்பட்டு, மறுநாள் அதிகாலை 4.30 மணிக்கு மெல்போர்னைச் சென்றடையும்.
மெல்போர்னிலிருந்து (மேலதிக விமானங்கள்): காலை 6.00 மணிக்குப் புறப்பட்டு, நண்பகல் 12.15 மணிக்கு கொழும்பு வந்தடையும்.
ஏற்கனவே உள்ள தினசரி சேவை (UL604/605) வழக்கம் போல நள்ளிரவு மற்றும் மாலை வேளைகளில் இயங்கும் என்பது குறிப்பிடத்தக்கது.
அவுஸ்திரேலியாவில் வசிக்கும் இலங்கை வம்சாவளியினர் மற்றும் அங்கு கல்வி பயிலும் மாணவர்களுக்கு இந்த கூடுதல் விமானங்கள் பெரும் வசதியை அளிக்கும் என விமான சேவை நிறுவனம் தெரிவித்துள்ளது.
இந்தியாவிலிருந்து மெல்போர்ன் செல்ல விரும்பும் பயணிகள், கொழும்பு ஊடாக இலகுவான இணைப்புகளைப் பெற முடியும் என நம்பிக்கை வெளியிட்டுள்ளது.
இது கொழும்பு விமான நிலையத்தை ஒரு பிராந்திய விமானப் போக்குவரத்து மையமாக (Aviation Hub) வலுப்படுத்தும் என தெரிவிக்கப்படுகின்றது.
இந்த அதிகரித்த சேவைகளினால் பயணிகளுக்கு கூடுதல் தெரிவுகளும், நெகிழ்வுத்தன்மையும் கிடைக்கும் என ஸ்ரீலங்கன் ஏர்லைன்ஸ் நம்பிக்கை வெளியிட்டுள்ளது.
முத்துவின் வாழ்க்கையில் கிடைத்த பெரிய வாய்ப்பு, செம கோபத்தில் ரோஹினி... சிறகடிக்க ஆசை சீரியல் Cineulagam
பாண்டியன் ஸ்டோர்ஸ் 2 சீரியலில் ஏற்பட்ட திடீர் மாற்றம், மீனாவால் செம ஷாக்கில் கோமதி... என்ன பாருங்க Cineulagam
Kuala Lumpur, Malaysia, உரும்பிராய், Ilford, United Kingdom
12 Mar, 2025
நெடுந்தீவு மேற்கு 4ம் வட்டாரம், நெடுந்தீவு, பிரான்ஸ், France, London, United Kingdom, நல்லூர்
09 Feb, 2026
Ittavil, எழுதுமட்டுவாள், திருகோணமலை, London, United Kingdom
07 Mar, 2023
