லங்காசிறி FM
கபில சந்திரசேனவின் மரணத்தில் சந்தேகம் : மொட்டுக் கட்சி வெளியிட்ட தகவல்
ஸ்ரீலங்கன் ஏர்லைன்ஸ் நிறுவனத்தின் முன்னாள் பிரதம நிறைவேற்று அதிகாரி கபில சந்திரசேனவின் மரணம் சந்தேகத்திற்குரியது என ஸ்ரீலங்கா பொதுஜன பெரமுனவின் (SLPP) பொதுச் செயலாளர் சாகர காரியவசம் தெரிவித்துள்ளார்.
கட்சி அலுவலகத்தில் நடைபெற்ற செய்தியாளர் சந்திப்பைத் தொடர்ந்து ஊடகங்களின் கேள்விகளுக்குப் பதிலளித்த காரியவசம், சந்திரசேனவின் மரணத்தின் சூழ்நிலைகள் மற்றும் அவருக்குப் பிணை பெற்றுத் தருவதற்காகப் பிணை கையொப்பமிட்டதாகக் கூறப்படும் நபர்கள் குறித்துக் கடுமையான சந்தேகம் நிலவுவதாகத் குறிப்பிட்டுள்ளார்.
பிணையாளர்களைக் ஏற்பாடு செய்தது யார்
மேலும் குறிப்பிட்டுள்ளதாவது. கபில சந்திரசேன பிணையில் செல்ல அனுமதிக்கப்பட்டார்.
இருப்பினும், அவருக்கு பிணை வழங்கப்பட்ட பின்னர், அவரைக் கைது செய்ய நேற்று (07) நீதிமன்ற உத்தரவு பிறப்பிக்கப்பட்டது.
வழக்கு முடியும் வரை அவரை விளக்கமறியல் வைக்க கோரிக்கை விடுக்கப்பட்டுள்ளதாக எங்களுக்குத் தகவல் கிடைத்துள்ளது.
இந்த வழக்குகள் எப்போது முடிவடையும் என்று யாருக்கும் தெரியாததால், இதன் பொருள் அவர் ஐந்து அல்லது ஆறு ஆண்டுகள் விளக்கமறியல் சிறையில் இருக்க நேரிடலாம்.
பிணையாளர்கள் தொடர்பாகவும் ஒரு பிரச்சினை இருப்பதாகக் கூறப்படுகிறது. நாங்கள் இந்த விடயத்தை விசாரித்ததில், கபில சந்திரசேன விளக்கமறியலில் இருந்தபோது அவருக்கு பிணை வழங்கப்பட்டிருப்பது தெரியவந்தது.
அவருக்காக இந்த இரண்டு பிணையாளர்களைக் கண்டுபிடித்து ஏற்பாடு செய்தது யார் என்பதே கேள்வி. அவர்கள் போலி பிணையாளர்கள் என்று குற்றம் சாட்டப்படுகிறது.
நீதிமன்ற வளாகத்தில் சிசிடிவி கேமராக்கள்
விளக்கமறியலில் உள்ள ஒருவரால் தானாக பிணையாளர்களைத் தேட முடியாது. எனவே, விளக்கமறியலில் இருந்த ஒருவருக்காக இந்த இரண்டு பிணையாளர்களை ஏற்பாடு செய்தது யார் என்பது குறித்து உடனடியாக விசாரணை நடத்தப்பட வேண்டும்.
எங்களுக்குக் கிடைத்த தகவல்களின்படி, இந்த இரண்டு பிணையாளர்களின் ஏற்பாடே இந்த விவகாரம் தொடர்பான ஒரு சதியின் பகுதியாக இருக்கலாம்.
நீதிமன்ற வளாகத்தில் சிசிடிவி கேமராக்கள் உள்ளன, எனவே இதை விசாரிக்க முடியும்.
நீதிமன்ற வளாகத்திற்குள் இந்தபிணையாளர்களை வழங்கியது யார்? இதில் சிறைத்துறை அதிகாரிகள் ஈடுபட்டிருந்தார்களா? அல்லது இதன் பின்னணியில் சிஐஏபிஓசி (CIABOC) அதிகாரிகள் இருந்தார்களா?
இந்த இரண்டு நபர்களும் இத்தகைய தன்மை கொண்டவர்கள் என்பதை ஆணையம் எப்படி அறிந்துகொண்டது என்பது குறித்து பொதுமக்களிடையே கடுமையான சந்தேகம் எழுந்துள்ளது.
அதன்படி, இரண்டு பிணையாளர்கள் வழங்கப்பட்ட செயல்முறை குறித்து உடனடியாக விசாரணை நடத்த வேண்டும் எனவும் சாகர காரியவசம் குறிப்பிட்டுள்ளார்.
you may like this
இன முரண்பாட்டின் உச்சமே தமிழ் சிங்கள கிறிஸ்தவ திருச்சபைகளின் பிளவு 20 மணி நேரம் முன்
பாரதிராஜாவுடன் கடைசி சந்திப்பு: நெகிழ்ச்சியுடன் நினைவுகூர்ந்த சினேகன் - கன்னிகா - வைரல் காணொளி Manithan
தன்னிடம் எக்கச்சக்கமான நகை இருப்பதாக சமூக ஊடகங்களில் பெருமையடித்துக்கொண்ட பெண்: நிகழ்ந்த துயரம் News Lankasri
மட்டுவில் வடக்கு, மல்லாவி, London, United Kingdom, முல்லைத்தீவு
11 May, 2026
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
