மீண்டும் மிக அதிக சதவீதத்தில் உயரும் மின் கட்டணம்! இலங்கையர்களுக்கு நெருக்கும் சுமை...

இலங்கையில் மின்சாரக் கட்டணம்  மீண்டும்  மிக அதிக சதவீதத்தில் உயரலாம் என்று பல கருத்துக்கள் வெளியிடப்பட்டுள்ளன. 

ஆங்கில நாளிதழ்கள் சில இது தொடர்பான கருத்துக்களை வெளியிட்டுள்ளன.  

மத்திய கிழக்கு மோதல்களால் ஏற்பட்ட இடையூறுகளுடன் தொடர்புடைய உலகளாவிய எரிசக்தி செலவுகள் அதிகரித்திருப்பதே இந்த கட்டண உயர்வுக்கான முக்கிய காரணமாகக் குறிப்பிடப்படுகிறது.

ஏற்கனவே பணவீக்கத்தால் பாதிக்கப்பட்டுள்ள மில்லியன் கணக்கான குடும்பங்களும் வணிகங்களும் இந்த உயர்வால் நேரடியாகப் பாதிக்கப்படவுள்ளதாக கூறப்படுகிறது.

அடுத்த சில நாட்கள் மிக முக்கியமானதாக இருக்கும்! மேலும் வாய்ப்புகள் உள்ளதாக அமெரிக்கா எச்சரிக்கை

உலகளாவிய எரிசக்தி விலைகள் தொடர்ந்து உயர்ந்தால், ஏப்ரல் மாதத்திலும் மின்சாரக் கட்டணங்கள் மேலும் அதிகரிக்கக்கூடும் என இலங்கை பொதுப் பயன்பாடுகள் ஆணைக்குழு தெரிவித்துள்ளது. இதன்படி, தற்போதைய கட்டணங்கள் மோதலுக்கு முந்தைய எரிசக்தி செலவுகளையே பிரதிபலிக்கின்றன என்று அதன் தலைவர் கே.பி.எல். சந்திரலால் தெரிவித்துள்ளார்.

இருப்பினும், நிலவிவரும் உலகளாவிய நிலையற்ற தன்மை காரணமாக எதிர்காலத்தில் மேலும் கட்டண மாற்றங்கள் ஏற்படக்கூடும் எனவும் எச்சரிக்கப்பட்டுள்ளது. இதன் காரணமாக, சராசரி பயனர்கள் இனி ஒரு கிலோவாட் மணிக்கு அதிக கட்டணம் செலுத்த வேண்டிய நிலை உருவாகும் என தெரிவிக்கப்படுகிறது.

எரிபொருள் விலை உயர்வு

இதற்கிடையில், குறைந்த வருமானம் கொண்ட குடும்பங்களும் குறிப்பிடத்தக்க அளவில் கட்டண உயர்வுகளை எதிர்கொள்ளும் நிலை ஏற்பட்டுள்ளது.

அரசாங்கம் இந்த மாதத்திலேயே மூன்று முறை எரிபொருள் விலையை உயர்த்தியுள்ளதாகவும், அந்த உயர்வுகள் மொத்தத்தில் மூன்றில் ஒரு பங்கிற்கும் அதிகமாக இருப்பதாகவும் கூறப்படுகிறது. மேலும், எரிசக்தி பயன்பாட்டைக் குறைக்கும் நோக்கில் நான்கு நாள் வேலை வாரத்தை அறிமுகப்படுத்தியுள்ளதாக அதிகாரிகள் தெரிவித்துள்ளனர்.

அத்துடன், இயன்ற இடங்களில் தொலைதூரப் பணியை மீண்டும் நடைமுறைப்படுத்துமாறு தனியார் நிறுவனங்களையும் அதிகாரிகள் வலியுறுத்தியுள்ளனர்.

இந்த நடவடிக்கைகள் நாட்டின் எரிபொருள் நுகர்வை விரைவாகக் குறைப்பதை நோக்கமாகக் கொண்டதாக கூறப்படுகிறது. பிராந்திய பதற்றங்கள் அதிகரித்ததைத் தொடர்ந்து ஹோர்முஸ் நீரிணை வழித்தடத்தில் கட்டுப்பாடுகளை விதிக்கப்பட்டுள்ளன.

இந்த வழித்தடம் உலகளாவிய எண்ணெய் மற்றும் எரிவாயு ஏற்றுமதியின் சுமார் 20 சதவீதத்தை கடத்தும் முக்கிய கடல் பாதையாகும். இதன் விளைவாக ஏற்பட்ட விநியோகப் பற்றாக்குறை சர்வதேச எரிபொருள் விலைகளை கடுமையாக உயர்த்தியுள்ளது.

பொருளாதார நெருக்கடி

இறக்குமதியை அதிகமாகச் சார்ந்துள்ள நாடுகள் உடனடி பொருளாதார அழுத்தத்தை எதிர்கொண்டு வருகின்றன. இறக்குமதி செய்யப்படும் எரிபொருள் மற்றும் நிலக்கரியை அதிகமாகச் சார்ந்திருப்பதால் இலங்கை மிகவும் பாதிக்கப்படக்கூடிய நிலையில் உள்ளது.

அந்நாடு தனது 2022 ஆம் ஆண்டின் கடன் செலுத்தத் தவறிய பொருளாதார நெருக்கடியிலிருந்து இன்னும் முழுமையாக மீண்டு வராத நிலையில் உள்ளது. இதற்கு முன்னர் சர்வதேச நாணய நிதியம் வழங்கிய 2.9 பில்லியன் டொலர் மதிப்பிலான மீட்பு திட்டத்தின் கீழ் உதவியும் பெற்றிருந்தது.

நீடித்த மோதல்கள் பொருளாதார மீட்பு முயற்சிகளை மேலும் பாதிக்கக்கூடும் என அதிகாரிகள் எச்சரிக்கின்றனர். உலகளாவிய நிலைமை தொடர்ந்து பதற்றமாக இருந்தால், எரிசக்தி செலவுகள் மேலும் உயரக்கூடும் எனவும் தெரிவிக்கப்படுகிறது.

மட்டக்களப்பை உலுக்கிய சம்பவம் - மூடிய அறைகளுக்குள் அடையாள அணிவகுப்பு

கோட்டாபய - மகிந்த முன்னிலையில் கம்மன்பில வெளியிடவுள்ள இரகசியம்