இலங்கை வீரரின் தலையெழுத்தை மாற்றிய விராட் கோலி!

இந்திய கிரிக்கெட் அணியின் வெற்றிக்கு பின்னால் புகழப்படும் இலங்கை வீரராக நுவான் செனவிரத்ன திகழ்கின்றார்.

நுவான் செனவிரத்ன, இலங்கையில் இரண்டு முதல்தர போட்டிகளை மட்டும் விளையாடிய ஒரு வேகப்பந்து வீச்சாளர் ஆவார்.

இதன்பின்னர் கிரிக்கெட் விளையாடுவதற்கு வாய்ப்பு கிடைக்காமையால், வாழ்க்கையை நடத்த பணம் இல்லாத நிலையில் பாடசாலை சேவை பேருந்து ஓட்டுனராக நுவான் செனவிரத்ன தனது வாழ்க்கை பயணத்தை தொடர்ந்துள்ளார்.

இலங்கைக்கு கிடைத்துள்ள பல பில்லியன் ரூபாய்!

வாழ்க்கை பயணம்  

இதன்போது அவருக்கு துடுப்பாட்ட வீரர்களுக்கு பந்து வீச்சு பயிற்சியின் போது சைட் ஆர்ம் (side arm) மூலமாக பந்து வீச்சு பயிற்சி வழங்கும் வாய்ப்பு அவருக்கு கிடைத்துள்ளது.

முதன் முதலில் இலங்கை 'ஏ' அணிக்கு அந்த பயிற்சியை வழங்கியுள்ளார்.

அதன்பின் அவர் உலகிலேயே மிக வேகமாக வீசக்கூடிய வீரர் என்பதை அறிந்த இலங்கை தேசிய அணியின் பயிற்சியாளர் அவரை தேசிய அணி வீரர்களுக்கு பந்து வீச சில வாய்பபுக்களை கொடுத்துள்ளார்.

ஆனால் இலங்கை தேசிய அணி வீரர்கள் அவர் மிக வேகமாக பந்தை சைட் ஆர்ம் மூலம் வீசுவது தங்களுக்கு காயத்தை ஏற்படுத்தலாம் என்று முறையிட்டதால் அவருக்கு தேசிய அணிக்கு பந்து வீசி பயிற்சி வழங்க நிரந்தர வாய்ப்புக் கிடைக்கவில்லை.

 விசேட கோரிக்கை

இதன்போது நுவான் செனவிரத்ன பற்றி அறிந்த இந்திய கிரிக்கெட் அணியின் வீரர் விராட் கோலி , தனது விசேட கோரிக்கையின் அடிப்படையில் இந்திய அணிக்கு பயிற்சி வழங்கும் அணியில் நுவான் செனவிரத்னவிற்கு நிரந்தர இடம் வாங்கி கொடுத்துள்ளார்.

இந்நிலையில் இலங்கையில் இருந்து இந்தியா சென்ற நுவான் செனவிரத்ன, விராட் கோலிக்கு மிக வேகமாக பந்து வீசலாமா? அதனால் தனது வேலைக்கு பாதிப்பு வரலாமோ? என்று யோசித்துள்ளார்.

பாடசாலை போக்குவரத்து கட்டணம் தொடர்பில் வெளியான அறிவிப்பு

அப்போது கோலி, "உன்னை நாங்கள் எடுத்தது அந்த வேகமான பந்துகளை வீச வேண்டும் என்பதற்காகவே, யோசிக்காமல் வீசு" என்று கூறியுள்ளார்.

அதன்பின்னர் நுவான், விராட் கோலியின் வலை பயிற்சியின் போது ஆஸ்தான சைட் ஆர்ம் பந்து வீச்சாளர்களில் ஒருவராக மாறியுள்ளார்.

காணொளிகள்

நுவான் உள்ளிட்ட அணியினர் தனது துடுப்பாட்டம் மேம்பட எந்தளவு முக்கியமானவர்கள் என விராட் கோலி பேசும் காணொளிகள் சமூக வலைத்தளங்களில் பரவலாக பகிரப்பட்டு வந்துள்ளது.

அதில் விராட் கோலி, நுவான் பற்றி சொல்லும் போது "நுவான் இலங்கையர் என்றாலும் , இப்போது இந்தியர் போல் ஆகிவிட்டார்" என்று கூறியுள்ளார்.

இலங்கை அணியால் புறக்கணிக்கப்பட்டவரை இந்திய அணி, குறிப்பாக கோலி, உள்வாங்கி இன்று உலகத்தில் உள்ள சிறந்த ஒரு throwdown specialist ஆக அங்கீகாரம் பெற்றுக் கொடுத்தது மட்டுமல்லாமல் அவரைப் பயன்படுத்தி தங்கள் துடுப்பாட்ட திறனையும் வளர்த்துக் கொண்டுள்ளார்கள். 

உதயங்கவுக்கும் பொதுஜன பெரமுனவுக்கும் தொடர்பில்லை : மகிந்த தரப்பின் அறிவிப்பு