நிபா வைரஸ் குறித்து இலங்கை தீவிர கண்காணிப்பு!

Nipah virus

By Independent Writer Jan 17, 2021 02:59 AM GMT

Independent Writer

in இலங்கை

Report

இலங்கையில் கொரோனா வைரஸின் பரவலைக் கட்டுப்படுத்தவும், வைரஸின் பிறழ்ந்த பதிப்புகளைக் கண்டறியவும் நடவடிக்கை எடுக்கும்போது, நிபா வைரஸ் உட்பட பிராந்தியத்தில் பரவும் பிற வைரஸ்களை அதிகாரிகள் கண்காணித்து வருகின்றனர்.

பிற நாடுகளில் நிபா வைரஸ் கண்டறியப்பட்டதாக செய்திகள் வந்துள்ளதாக பொது சுகாதார சேவைகளின் துணை பொது பணிப்பாளர் வைத்தியர் ஹேமந்த ஹேரத் தெரிவித்துள்ளார்.

கொழும்பு ஆங்கில ஊடகம் ஒன்றிடம் அவர் இதனை கூறியுள்ளார். எவ்வாறாயினும், கடுமையான நடவடிக்கை எடுக்க இலங்கைக்கு உலக சுகாதார அமைப்பிலிருந்து எந்த பரிந்துரையும் இதுவரை கிடைக்கவில்லை. "ஆனால் நாங்கள் நிலைமைகளை கண்காணித்து வருகிறோம்," என்று அவர் கூறினார்.

வைரஸ் தொடர்பான எந்தவொரு தகவலையும் உலக சுகாதார நிறுவனம் இலங்கையுடன் பகிர்ந்து கொள்ளும் என்று அவர் குறிப்பிட்டுள்ளார்.

தொற்றுநோயியல் பிரிவு மற்றும் சுகாதார அமைச்சின் தனிமைப்படுத்தப்பட்ட பிரிவு ஆகியவை பிற நாடுகளில், குறிப்பாக பிராந்தியத்தில் வைரஸ்கள் பரவுவதால் ஏற்படும் பாதிப்புகளை கண்காணித்து வருகின்றது.

"அவை சர்வதேச சுகாதார விதிமுறைகள் மற்றும் தொடர்புடைய நடவடிக்கைகளுக்கு மைய புள்ளியாகும். மற்ற நாடுகளில் நோய் பரவுவதை அவை கண்காணிக்கின்றன, ”என்றார்.

எந்தவொரு வைரஸிலிருந்தும் இலங்கைக்கு அச்சுறுத்தல் இருந்தால் அது குறித்து தொற்றுநோயியல் பிரிவு மற்றும் தனிமைப்படுத்தப்பட்ட பிரிவு தெரிவிக்கும் என்று அவர் வலியுறுத்தியுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை