நெடுந்தீவு துப்பாக்கிச் சூட்டு சம்பவம் தொடர்பில் இலங்கையின் நிலைப்பாடு

Sri Lanka Army Indian fishermen Government Of Sri Lanka Government Of India

By Amal Jan 30, 2025 08:20 AM GMT

Amal

in இந்தியா

Report

இலங்கை கடற்படை உறுப்பினர் ஒருவரின் துப்பாக்கி தவறுதலாக வெடித்ததமைக்கும், இதனால் 2 இந்தியர்கள் காயமடைந்தமைக்கும், இந்திய கடற்றொழிலாளர்களின் செயல்களே காரணம் என்று¸ இலங்கை கடற்படைத் தளபதி வைஸ் அட்மிரல் காஞ்சனா பனாகொட குற்றம் சாட்டியுள்ளார்.

கொழும்பில் செய்தியாளர்கள் மத்தியில் பேசிய காஞ்சனா பனாகொட, இந்திய கடற்றொழிலாளர்கள், இலங்கையின் கடற்படையினர், தங்கள் கடமைகளைச் செய்வதைத் தடுக்க முயன்றதால் இந்த சம்பவம் நிகழ்ந்ததாகக் கூறியுள்ளார்.

கடற்படை படகில் ஏறும்போதும், இந்திய கடற்றொழிலாளர்கள் ஆக்ரோசமாக நடந்து கொண்டதாக விசாரணைகளில் தெரியவந்துள்ளதாகவும் அவர் தெரிவித்துள்ளார்.

மருத்துவமனையில் அனுமதி

முன்னதாக, நெடுந்தீவுக்கு அருகே 13 இந்திய கடற்றொழிலாளர்கள் கைது செய்யப்பட்ட போது இலங்கை கடற்படை துப்பாக்கிச் சூடு நடத்திய சம்பவம் ஓன்று, நேற்று செவ்வாய்க்கிழமை அதிகாலையில் பதிவாகியுள்ளதாக கொழும்பில் உள்ள இந்திய உயர் ஸ்தானிகரகம் தெரிவித்திருந்தது.

நெடுந்தீவு துப்பாக்கிச் சூட்டு சம்பவம் தொடர்பில் இலங்கையின் நிலைப்பாடு | Sri Lanka Blames Indian Fishermen For Shooting

எனினும், இந்திய கடற்றொழிலாளர்கள், கடற்படை படகில் ஏறும் போது, கடற்படையினருடன் ஆக்ரோசமாக நடந்துக்கொண்டதாகவும், இதன் விளைவாகவே தற்செயலாக ஒரு ஆயுதம் வெடித்தததாகவும் கடற்படை தளபதி குறிப்பிட்டுள்ளார்.

அதேவேளை, இந்த சம்பவத்தில் காயமடைந்த 2 இந்தியர்களும் மருத்துவமனையில் சிகிச்சை பெற்று வருவதாகவும், அவர்களின் நிலை கவலைக்கிடமாக இல்லை என்றும் அவர் தெரிவித்துள்ளார்.