வரலாற்று சாதனையுடன் வெற்றியை பதிவு செய்த சன்ரைசர்ஸ்

மும்பை இந்தியன்ஸ் அணிக்கு எதிரான போட்டியில் சன்ரைசர்ஸ் ஹைதராபாத் அணி 31 ஓட்டங்கள் வித்தியாசத்தில் வெற்றிபெற்றுள்ளது.

நாணயசுழற்சியில் வெற்றிபெற்று பந்துவீச்சை மும்பை அணி தெரிவுசெய்தது. அதனையடுத்து துடுப்பாடிய சன்ரைசர்ஸ் அணி 277 ஓட்டங்கள் குவித்தது.

பதிலுக்கு 278 ஓட்டங்கள் என்ற வெற்றி இலக்கோடு களமிறங்கிய மும்பை அணி 5 விக்கெட் இழப்பிற்கு 20 ஓவர்கள் முடிவில் 246 ஓட்டங்களை மாத்திரமே பெற்று தோல்வியடைந்தது.

சன்ரைசர்ஸ் ஹைதராபாத் - மும்பை இந்தியன்ஸ் அணிகளுக்கு இடையிலான போட்டியில் ஐபிஎல் வரலாற்றிலேயே மிக அதிக சிக்ஸ் அடிக்கப்பட்டது.

ஒரே போட்டியில் மிக அதிக சிக்ஸ் மற்றும் 500க்கும் மேற்பட்ட ஓட்டங்கள் அடிக்கப்பட்ட சாதனையாக இந்த போட்டி அமைந்துள்ளது.

இந்தப் போட்டியில் மொத்தம் 38 சிக்ஸ் அடிக்கப்பட்டது.

இந்தப் போட்டியில் 523 ஓட்டங்கள் குவிக்கப்பட்டதும் ஐபிஎல் வரலாற்றில் மிகப் பெரிய சாதனை ஆகும். சன்ரைசர்ஸ் ஹைதராபாத் அணி 20 ஓவர்களில் 277 ஓட்டங்கள் குவித்த நிலையில், அடுத்து ஆடிய மும்பை இந்தியன்ஸ் அணி 20 ஓவர்களில் 246 ஓட்டங்கள் குவித்தது.

முதலாம் இணைப்பு

நடைபெற்றுவரும் 17ஆவது ஐபிஎல் தொடரின் எட்டாவது போட்டியில் சன்ரைசர்ஸ் ஹைதரபாத் மற்றும் மும்பை இந்தியன்ஸ் அணிகள் மோதிக் கொள்கின்றன.

குறித்த போட்டியானது, இன்றையதினம் (27.03.2024) ஹைதராபாத்தின் ராஜீவ் காந்தி சர்வதேச கிரிக்கெட் அரங்கில் நடைபெறுகின்றது.

போட்டியில் நாணய சுழற்சியில் வெற்றிபெற்ற மும்பை இந்தியன்ஸ் அணி முதலில் களத்தடுப்பை தேர்வு செய்துள்ளது.

சென்னை அணிக்கு எதிரான போட்டியில் விதிமுறையை மீறிய சுப்மன் கில்

முதலாவது வெற்றி

அத்துடன், சன்ரைசர்ஸ் ஹைதரபாத் மற்றும் மும்பை இந்தியன்ஸ் அணிகள் தத்தமது முதலாவது போட்டிகளில் முறையே கொல்கத்தா மற்றும் குஜராத் அணிகளிடம் தோல்வியடைந்துள்ளன.

எனவே, தமது முதலாவது வெற்றியை பெரும் நோக்கில் இரு அணிகளும் இன்றையதினம் களமிறங்கியுள்ளன. 

கிரிக்கெட் இரசிகர்களை வியப்பில் ஆழ்த்திய இரு இலங்கை வீரர்கள்!

2-வது வெற்றியை பதிவு செய்தது சென்னை அணி