அறுக்கப்பட்ட மாவீரர் நினைவேந்தல் கொடிகள் : பொலிஸ் நிலையத்தில் முறைப்பாடு (Photos)

Sri Lanka Police Jaffna Tamil National People's Front Northern Province of Sri Lanka

By Theepan Nov 23, 2023 10:04 AM GMT

Theepan

in சமூகம்

Report

கொடிகாமம் - பருத்தித்துறை வீதியில் இராணுவ முகாம் முன்பாக அமைந்துள்ள மாவீரர் நினைவேந்தல் இடத்தில் கட்டப்பட்டிருந்த மாவீரர் நினைவேந்தல் கொடிகள் அறுக்கப்பட்டுள்ளதாக கொடிகாமம் பொலிஸ் நிலையத்தில் முறைப்பாடு ஒன்று பதிவு செய்யப்பட்டுள்ளது.

பொலிஸாரிடம் முறைப்பாடு

நேற்று புதன்கிழமை (22.11.2023) இரவு அடையாளம் தெரியாத நபர்களால் கொடிகள் அறுத்து எடுத்துச் செல்லப்பட்டிருப்பதாக சாவகச்சேரிப் பிரதேச சபையின் முன்னாள் உப தவிசாளரான செ.மயூரன், பொலிஸாரிடம் முறைப்பாடு பதிவு செய்துள்ளார்.

அறுக்கப்பட்ட மாவீரர் நினைவேந்தல் கொடிகள் : பொலிஸ் நிலையத்தில் முறைப்பாடு (Photos) | Slashed Maveerar Memorial Flags Police Complaint

மயூரன் தலைமையிலான குழுவினர் புதன்கிழமை இரவு 8மணி வரை நினைவேந்தல் இடத்தில் சிரமதானம் மேற்கொண்டு கொடிகளை கட்டி விட்டுச் சென்றிருந்த நிலையில் மேற்படி சம்பவம் இடம்பெற்றுள்ளது.

இருப்பினும், அந்த இடத்தில் தமிழ்த் தேசிய மக்கள் முன்னணியால் கட்டப்பட்ட நினைவுக் கொடிகள் அறுத்து எறியப்படவில்லை எனவும் இது தொடர்பாக பொலிஸார் தகுந்த விசாரணைகளை மேற்கொண்டு உண்மையைக் கண்டறிய வேண்டும் எனவும் மயூரன் தலைமையிலான குழுவினரால் பொலிஸாரிடம் கோரிக்கை முன்வைக்கப்பட்டுள்ளது.