பெரும் நிம்மதி..! அனோஜனின் மரண தண்டனை இரத்து குறித்து ஜனாதிபதி நெகிழ்ச்சி

அனோஜன் சிவராசாவுக்கு விதிக்கப்பட்டிருந்த மரண தண்டனையை இரத்து செய்ய சவூதி அரேபிய உயர் நீதிமன்றம் எடுத்துள்ள முடிவை நான் வரவேற்கிறேன் என ஜனாதிபதி அநுர குமார திஸாநாயக்க தெரிவித்துள்ளார். 

இது தொடர்பில் அவர் சற்று முன்னர் வெளியிட்ட எக்ஸ் தள பதிவில் குறிப்பிட்டுள்ளார். 

குறித்த பதிவில், "சவூதியின் இந்த முடிவு அனோஜனுக்கும், அவரது குடும்பத்தினருக்கும், அத்துடன் அவரது வழக்கை மிகுந்த அக்கறையுடன் கவனித்து வந்த அனைத்து இலங்கையர்களுக்கும் பெரும் நிம்மதியை அளிக்கிறது.

அரசின் அயராத நடவடிக்கை 

பொறுமையான இராஜதந்திர அணுகுமுறை, நட்பு நாட்டின் சட்ட நடைமுறைகள் மீதான மரியாதை மற்றும் வெளிநாட்டில் உள்ள ஒரு இலங்கை குடிமகனுக்குத் துணையாக நின்றவர்களின் அயராத உழைப்பு ஆகியவற்றின் முக்கியத்துவத்தை இது பிரதிபலிக்கிறது.

I welcome the decision by the Supreme Court of Saudi Arabia to set aside the death sentence imposed on Sri Lankan national Anojan Sivarasa. This brings immense relief to Anojan, his family, and all Sri Lankans who have followed his case with deep concern. It reflects the value of patient diplomacy, respect for the legal processes of a friendly nation, and the tireless work of those who stood by a Sri Lankan citizen abroad. I express my sincere appreciation to the Government of Saudi Arabia for this outcome. I also thank the many Saudi Arabian and Sri Lankan diplomats, civil servants and legal teams for their dedicated efforts. My Government will continue to extend all necessary support to Anojan and his family as the remaining legal processes conclude. No Sri Lankan who leaves our shores in search of a livelihood should ever feel that they stand alone.

— Anura Kumara Dissanayake (@anuradisanayake) October 14, 2026

இந்த முடிவை எட்டியதற்காக சவூதி அரேபிய அரசாங்கத்திற்கு எனது மனமார்ந்த நன்றியைத் தெரிவித்துக் கொள்கிறேன்.

அத்துடன், இதற்காக அர்ப்பணிப்புடன் பணியாற்றிய சவூதி அரேபிய மற்றும் இலங்கை இராஜதந்திரிகள், அரச அதிகாரிகள் மற்றும் சட்டக் குழுவினர் அனைவருக்கும் எனது நன்றியைத் தெரிவித்துக் கொள்கிறேன்.

எஞ்சிய சட்ட நடைமுறைகள் நிறைவடையும் வரை, அனோஜனுக்கும் அவரது குடும்பத்தினருக்கும் தேவையான அனைத்து உதவிகளையும் எனது அரசாங்கம் தொடர்ந்து வழங்கும்.

வாழ்வாதாரத்தைத் தேடி நாட்டை விட்டுச் செல்லும் எந்தவொரு இலங்கையரும் ஒருபோதும் தாங்கள் தனித்து விடப்பட்டதாக உணரக்கூடாது” என ஜனாதிபதி குறிப்பிட்டுள்ளார். 

இரத்து செய்யப்பட்ட அனோஜனின் மரண தண்டனை.. அரசாங்கம் வெளியிட்டுள்ள தகவல்

அனோஜனின் மரண தண்டனை இரத்து..! அவரின் சகோதரர் வெளியிட்டுள்ள புதிய தகவல்