எல்பிட்டியவில் நேற்றிரவு இடம்பெற்ற அனர்த்தம்: பொலிஸார் வெளியிட்ட விளக்கம்

Sri Lanka Police Gun Shooting

By Dhayani Oct 05, 2025 12:59 PM GMT

Dhayani

in குற்றம்

Report

எல்பிட்டிய பொலிஸ் பிரிவிற்குட்பட்ட இஹல ஓமத்த பகுதியில் உள்ள வீட்டில் நேற்று (04) இரவு நடந்த சம்பவம் துப்பாக்கிச்சூடு அல்ல என்று பொலிஸ் தலைமையகம் தெரிவித்துள்ளது.

வீட்டில் தயாரிக்கப்பட்ட பட்டாசு போன்ற உலோகக் குழாய், துப்பாக்கிப் பொடி மற்றும் கற்கள் போன்ற பொருட்களைப் பயன்படுத்தி தயாரிக்கப்பட்ட பயன்படுத்தப்பட்ட சாதனத்தால் சேதம் ஏற்பட்டதாக விசாரணைகளில் தெரியவந்துள்ளது.

சம்பவ இடத்தை ஆய்வு செய்த எல்பிட்டிய குற்றப்புலனாய்வு அதிகாரிகள் துப்பாக்கிச்சூட்டினால் சேதம் ஏற்படவில்லை என்பதை உறுதிப்படுத்தியதாக பொலிஸ் ஊடகப் பிரிவு தெரிவித்துள்ளது.

எல்பிட்டியவில் நேற்றிரவு இடம்பெற்ற அனர்த்தம்: பொலிஸார் வெளியிட்ட விளக்கம் | Shooting In Elpitiya Police Explanation

பொலிஸார் விசாரணை

சம்பவ இடத்திலிருந்து மீட்கப்பட்ட துண்டுகள் அரசு பகுப்பாய்வாளருக்கு பரிசோதனைக்காக அனுப்பப்பட்டுள்ளன.

சம்பவத்தில் வீட்டின் ஜன்னல் ஒன்று சேதமடைந்துள்ளது. துப்பாக்கிச் சூட்டுக்கான காரணம் இன்னும் வெளியாகவில்லை,

இருப்பினும், போதைப்பொருள் தொடர்பான நடவடிக்கைகள் குறித்து பொலிசாருக்கு தகவல் வழங்கியதற்கு பழிவாங்கும் விதமாக, இந்த தாக்குதல் நடத்தப்பட்டிருக்கலாம் என்று பொலிஸார் சந்தேகிக்கின்றனர்.

குறித்த சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.