லங்காசிறி FM
அதிகாலையில் ஷிரந்திக்கு ஏற்பட்ட திடீர் நெஞ்சு வலி! மகிந்த தரப்பு வெளியிட்டுள்ள காரணங்கள்
முன்னாள் ஜனாதிபதி மகிந்த ராஜபக்சவின் மனைவி ஷிரந்தி ராஜபக்சவுக்கு இன்று அதிகாலை திடீரென நெஞ்சு வலி ஏற்பட்டதாக பொதுஜன பெரமுன கட்சியினர் உறுப்பினர்கள் சிலர் தெரிவித்துள்ளார்.
விளக்கமறியலில் வைக்கப்பட்டுள்ள ஷிரந்தி ராஜபக்ச இன்று மதியம், சிறைச்சாலை மருத்துவமனையில் இருந்து கொழும்பு தேசிய வைத்தியசாலையின் இருதய சிகிச்சைப் பிரிவுக்கு மாற்றப்பட்டார்.
திடீர் நெஞ்சு வலி
இந்தநிலையில், சிறையில் இருந்து கொழும்பு தேசிய வைத்தியசாலைக்கு ஷிரந்தி ராஜபக்ச அழைத்து வரப்பட்டு அனுமதிக்கப்பட்ட பின்னர், கொழும்பு தேசிய வைத்தியசாலை வளாகத்தில் பொதுஜன பெரமுனவின் நாடாளுமன்ற உறுப்பினரான டி.வி.சானக்க உள்ளிட்ட கட்சியின் உறுப்பினர்கள் சிலர் ஒன்று திரண்டனர்.
ஷிரந்தி ராஜபக்சவின் உடல்நிலைக் குறித்து அவர்கள் ஊடகங்களிடம் கருத்து வெளியிடும்போது, ஷிரந்தி ராஜபக்சவுக்கு இன்று அதிகாலை 5 மணியளவில் திடீரென நெஞ்சு வலி ஏற்பட்டதாகவும், அதனையடுத்து அவர் சிறைச்சாலை மருத்துவமனையில் அனுமதிக்கப்பட்டதாகவும் தெரிவித்தனர்.
இதனையடுத்து, சிறைச்சாலை மருத்துவமனையில் மேற்கொள்ளப்பட்ட பரிசோதனையின் பின்னர் அவர், கொழும்பு தேசிய வைத்தியசாலைக்கு மாற்றப்பட்டதாகவும் அவர்கள் குறிப்பிட்டுள்ளனர்.
ஷிரந்தி ராஜபக்சவுக்கான மருத்துவப் பரிசோதனைகள் மேற்கொள்ளப்பட்டு வருவதுடன், அவர் வைத்தியசாலையில் தற்போது அனுமதிக்கப்பட்டுள்ளார்.
மருத்துவப் பரிசோதனைகள் தொடர்ந்து மேற்கொள்ளப்பட்டு வரும் நிலையில், மருத்துவப் பரிசோதனைகள் நிறைவுற்றதன் பின்னர் தான் எவ்வளவு நாட்கள் வைத்தியசாலையில் அவர் அனுமதிக்கப்பட்டிருப்பார் என்பது தொடர்பான உறுதியான தகவலைத் தெரிவிக்க முடியும் எனவும் அங்கிருந்த கட்சியின் உறுப்பினர்கள் தெரிவித்துள்ளனர்.
இதேவேளை, முன்னாள் ஜனாதிபதி மகிந்த ராஜபக்சவும் இன்று காலை உடலநலக் குறைவு காரணமாக, நவலோக வைத்தியசாலையில் அனுமதிக்கப்பட்டிருந்தமை குறிப்பிடத்தக்கது.
பாக்கியராஜ் சொன்ன வார்த்தை வீட்டைவிட்டு வெளியேறிய மலர்... அழகே அழகு சீரியல் பரபரப்பு புரொமோ Cineulagam
உண்மையாக நேசிக்கும் ரிஷப ராசிக்காரர்களின் மறுபக்கம் தெரியுமா? இவர்களை பிரிந்தால் இழப்பு உங்களுக்குத்தான்! Manithan
உக்ரைனிலிருந்து இறக்குமதி செய்யப்பட்ட முட்டைகள்: பிரித்தானியர்களுக்கு ஒரு எச்சரிக்கை செய்தி News Lankasri
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
