லங்காசிறி FM
அமெரிக்காவில் அம்பலமானது சீனாவின் இரகசிய நகர்வு! விசேட புலனாய்வு துறை அதிரடி சோதனை
நியூயார்க் நகரில் இரகசிய பொலிஸ் நிலையம் இயங்குவதாக கூறப்பட்ட இடத்தில் FBI அதிரடி சோதனை நடத்தியுள்ளது.
கடந்த டிசம்பர் மாதம் கூட ஓட்டாவா நகரில் தன்னார்வ தொண்டு நிறுவனம் என்ற பெயரில் இயங்கும் அலுவலகத்தில் இரகசிய பொலிஸ் நிலையம் செயல்பட்டு வந்ததாக கனடா குற்றம் சாட்டியிருந்தது.
இதனை தொடர்ந்தே நியூயார்க் நகரில் இரகசிய பொலிஸ் நிலையம் இயங்குவதாக கூறப்பட்ட இடத்தில் FBI அதிரடி சோதனை நடத்தியுள்ளது.
FBI அதிரடி சோதனை
சீனாவில் நடைபெறும் சம்பவங்கள் தொடர்பான விபரங்களை அந்த நாடு அறிவித்தால் தவிர அங்கு நடக்கும் சம்பவங்கள் வெளி உலகிற்கு தெரியாது.
சீனா அந்த அளவிற்கு இரகசியங்களை பாதுகாப்பதுடன் வெளிநாடுகளை, குறிப்பாக தனக்கு வேண்டாத நாடுகளை இரகசியமாக கண்காணிக்கும் வேலையையும் சீனா செய்து வருவதாக பல நாடுகளும் தொடர்ந்து குற்றம் சாட்டி வருகின்றன.
நியூயார்க் நகரில் சீனர்களுக்கு உதவுவதற்காக சாங்க்ல் அசோசியேசன் என்ற தொண்டு நிறுவனம் செயல்படுகிறது.
அந்த இடத்தை FBI இந்த சோதனையை நடத்தியுள்ளது. அந்தக் கட்டிடத்தின் மூன்றாம் தளத்தில் சீனாவின் இரகசிய காவலர்களுக்கான அலுவலகம் இயங்கி வந்ததாகவும், இந்த இரகசிய காவலர்கள் சீனாவின் புஜியான் மாகாணத்தை தலைமையகமாக கொண்டு செயல்படும் Code 11 Overseas என்ற காவல் அமைப்பிற்கு கட்டுப்பட்டது என்றும் FBI தெரிவித்துள்ளது.
FBI அதிகாரிகள் அங்கு சென்ற போது அந்த அலுவலகம் மூடியிருந்தது என்றும், அங்கிருந்தவர்களிடம் விசாரித்த போது எப்போதாவது தான் அந்த அலுவலகம் திறந்திருக்கும் என்று கூறியதாகவும் தகவல்கள் வெளியாகியுள்ளன.
குற்றச்சாட்டுகளுக்கு சீனா மறுப்பு
Safeguard defenders என்ற பெயரில் இரகசிய காவலர்கள் இயங்குவதாகவும், அவர்கள் வெளிநாடுகளில் தங்கியிருக்கும் சீனர்கள் சட்டரீதியான பிரச்சினைகளை தீர்க்க உதவும் தன்னார்வலர்கள் என்ற பெயரில் தங்கள் நாட்டுக்கு சாதகமாக பல்வேறு சட்டத்திற்கு புறம்பான செயல்களில் ஈடுபட்டு வருவதாகவும் ஏற்கனவே நியூயார்க் டைம்ஸ் பத்திரிகை செய்தி வெளியிட்டிருந்தது.
இது போன்ற செயல்கள் அமெரிக்காவில் மட்டுமல்ல பல்வேறு ஐரோப்பிய நாடுகளில் அதிகரித்து வருவதாகவும் தகவல்கள் வெளியாகியுள்ளன.
சீனாவின் தன்னார்வத் தொண்டு நிறுவனத்தில் FBI அதிகாரிகள் நடத்திய சோதனைகள் அங்கு பெரும் பரபரப்பை ஏற்படுத்தியுள்ளது.
ஆனால் இந்தக் குற்றச்சாட்டுகளை சீனா தொடர்ந்து மறுத்து வருவது குறிப்பிடத்தக்கது.
கல்வியங்காடு, யாழ்ப்பாணம், கொழும்பு, Colindale, United Kingdom
06 Feb, 2026
அனலைதீவு 7ம் வட்டாரம், வட்டக்கச்சி, பிரான்ஸ், France
22 Jan, 2025
புங்குடுதீவு 3ம் வட்டாரம், கோண்டாவில்
10 Feb, 1996
